Бүгд Найрамдах Өмнөд Судан болон Бүгд Найрамдах Судан Улсын дундын бүс /Абей/ дэх Энхийг дэмжих ажиллагаа /UNISFA/-ны Цагдаагийн албанд цагдаагийн зөвлөхөөр үүрэг гүйцэтгэх Тусгай ажиллагааны газрын Холбоо, мэдээллийн инженер, цагдаагийн ахмад Ч.Батцэнгэлийг Цагдаагийн ерөнхий газрын Тэргүүн дэд дарга, цагдаагийн хурандаа Ц.Ням-Очир өнөөдөр /2021.01.29/ хүлээн авч уулзан Монгол Улсын далбаа, дурсгалын зүйлс гардууллаа.

Энэхүү үйл ажиллагаа Цагдаагийн ерөнхий газрын “Хүндэтгэлийн танхим”-д зохион байгуулагдсан бөгөөд Монгол Улсын Цагдаагийн байгууллагаас уг ажиллагаанд оролцож буй анхны алба хаагч юм.

Энх тайвныг сахиулах ариун үйлсэд нь амжилт хүсье.