Цагдаа, дотоодын цэргийн байгууллагаас зохион байгуулж буй “Өнгө нэмцгээе-2020” нөлөөллийн аяны хүрээнд зохион байгуулагдаж буй “Хариуцлагатай алба хаагч” арга хэмжээ, Цагдаагийн ерөнхий газрын Урьдчилан сэргийлэх хэлтсээс зохион байгуулж буй “Сүүдэр бүү тусга” аяы хүрээнд Цагдаа, дотоодын цэргийн Сургалтын нэгдсэн төв, Хан-Уул дүүрэг дэх цагдаагийн газар хамтран “Хариуцлагатай алба хаагчийн хүүхэд” арга хэмжээг зохион байгууллаа.

Дээрх арга хэмжээний хүрээнд Хан-Уул дүүрэг дэх цагдаагийн газрын алба хаагчдын 8-12 насны 40 гаруй хүүхэд, багачуудад Цагдаа, дотоодын цэргийн Сургалтын нэгдсэн төвийн үйл ажиллагаа, бие хамгаалах урлагийн үзүүлэх тоглолт, хэргийн газрын хиймэл орчин, цагдаа, дотоодын цэргийн байгууллагад ашиглаж байгаа галт зэвсэг, тусгай техник хэрэгсэл, үе үеийн албаны дүрэмт хувцас зэргийг хүүхэд, багачуудад сонирхуулж, тус төвөөс зохион байгуулдаг сургалтын талаарх мэдээллийг танилцууллаа. Мөн Цагдаагийн ерөнхий газрын Мэдээлэл, дүн шинжилгээ шуурхай удирдлагын албаны Шуурхай удирдлагын төв 101, 102, 103, 105 дуудлагыг хэрхэн хүлээн авч ажиллаж байгаа, алба хаагчдын ачаалал болон Улаанбаатар хотын төвд байгаа телекамерын хяналт, ашиглалтын үйл ажиллагааны талаар тайлбарлан ойлгуулж, шуурхай удирдлагын төвийн танилцуулга, баримтат киног үзүүлж сонирхуулсан юм.

Энэ үеэр Монгол улсын хил бүрэлдэн тогтсон түүх болон үе үеийн баатарлаг хилчдийн Монгол улсын хилийн халдашгүй дархан байдлыг хангахын төлөө хийсэн тэмцлийн дайчин уламжлал, үйл ажиллагаа, эх оронч үзлийг төлөвшүүлэх зорилгоор Монгол цэргийн музейг алба хаагчдын хүүхдүүдэд Улсын баатар болон гавьяат цолтны эдэлж хэрэглэж байсан дүрэмт хувцас, буу зэвсэг, уран хатгамал, уран зураг, дахин давтагдашгүй ховор нандин түүхэн зургийг үзүүлэв.

Дээрх арга хэмжээ нь байгууллагын үйл ажиллагааг сурталчилсан, хүүхэд, багачуудад эх оронч үзлийг төлөвшүүлсэн, ирээдүйд цагдаа, цэргийн байгууллагад ажиллах хүсэл, эрмэлзлийг төрүүлсэн ажил, арга хэмжээ боллоо.