Цагдаа, дотоодын цэргийн Сургалтын нэгдсэн төв нь Монгол Улсын Ерөнхийлөгч, Зэвсэгт хүчний ерөнхий командлагчийн 2020 оны 126 дугаар зарлигаар “Үйлчилгээний гавьяат ажилтан” цолоор шагнагдсан Дотоодын цэргийн 805 дугаар ангийн эргүүлчин, ахлах ахлагч Д.Бямбадагва, ЦЕГ-ын Автобаазын цагдаа-жолооч, цагдаагийн ахлах ахлагч Н.Ганхуяг нарыг өнөөдөр /2020.10.08/ урьж, тэдний алдарыг мөнхжүүлэх, бие бүрэлдэхүүнд гавьяа зүтгэлийг сурталчлах, туршлага солилцох зорилгоор тус төвийн алба хаагчидтай уулзалт зохион байгууллаа.

Дээрх арга хэмжээг зохион байгуулснаар цагдаа, дотоодын цэргийн байгууллагын “Ахлагч” бүрэлдэхүүн дундаас төрөн гарсан “Үйлчилгээний гавьяат ажилтан”-уудад хүндэтгэл үзүүлсэн, гавьяа зүтгэлийг нь сурталчилсан, шинэ залуу алба хаагчдад ажил, амьдралын арвин их туршлагыг судлуулсан, ард түмнийхээ өмнө өргөсөн тангараг, хүлээсэн үүрэгтээ үнэнчээр зүтгэх урам зоригийг нэмэгдүүлсэн зэрэг олон талын ач холбогдолтой юм.    

Уригдан ирсэн зочдод НХЖХОНАБХА-ны Эргүүл хамгаалалтын газрын Эргүүл, хамгаалалтын цагдаа, цагдаагийн ахлах ахлагч Э.Энхбаатар, Дотоодын цэргийн 05 дугаар ангийн харуулчин, ахлагч С.Нямбаяр нар ая дууны мэндчилгээ дэвшүүллээ.