Төрийн байгууллагын ажлын зохион байгуулалт, архив, албан хэрэг хөтлөлтийн үзлэг улсын хэмжээнд зохион байгуулагдаж байна. Цагдаагийн ерөнхий газрын удирдлагууд өнөөдөр /2019.11.06/ үзлэгийн комиссын бүрэлдэхүүнийг хүлээн авлаа.

Цагдаа, дотоодын цэргийн анги, байгууллагын архив, албан хэрэг хөтлөлтийн үзлэгийг Хөдөлмөр, нийгмийн хамгааллын яамны Төрийн нарийн бичгийн дарга Г.Өнөрбаяраар ахлуулсан бүрэлдэхүүн явуулж байгаа бөгөөд Цагдаагийн ерөнхий газрын дэд дарга, цагдаагийн хурандаа Ж.Болд, Захиргааны удирдлагын газрын дарга, цагдаагийн хурандаа Б.Бат-Өлзий, Төв архивын дарга, цагдаагийн хурандаа Д.Батмөнх нар комиссын бүрэлдэхүүнийг хүлээн авч цагдаа, дотоодын цэргийн анги, байгууллагын бүтэц, чиг үүрэг, үйл ажиллагаа, албан хэрэг хөтлөлтийн үйл ажиллагааны талаарх товч мэдээллийг танилцууллаа.

Комиссын бүрэлдэхүүн Цагдаагийн ерөнхий газрын харьяа нэгж, байгууллагуудын архив, албан хэрэг хөтлөлтийн улсын үзлэгийг 2019.11.07-2019.11.12-ны өдрүүдэд зохион байгуулах бөгөөд дүнг 2019 оны 11 дүгээр сарын 12-ны өдөр танилцуулах юм.