Дотоодын цэргийн штабаас “Дотоодын цэргийн анги, байгууллагын удирдах ажилтны сургалт, зөвлөгөөн-2019” үйл ажиллагааг зохион байгуулж байна. Энэ үйл ажиллагаа нь Дотоодын цэргийн байгууллага /2017.10.26/ дахин байгуулагдсанаас хойш анх удаа зохион байгуулагдаж байгаагаараа онцлогтой.

Сургалт, зөвлөгөөнийг нээж Дотоодын цэргийн штабын дарга, хурандаа С.Ганбат үг хэлж, Дотоодын цэргийн тухай хууль хэрэгжиж эхэлснээс хойших хугацаанд авч хэрэгжүүлсэн ажил, арга хэмжээний талаар мэдээлэл хийж, сургалт, зөвлөгөөнд хамрагдаж байгаа удирдах ажилтнуудад ажлын амжилт хүссэн юм.

Энэ үеэр Цагдаагийн ерөнхий газрын дэд дарга, цагдаагийн хурандаа З.Дашдаваа, Цагдаагийн ерөнхий газрын Санхүү, аж ахуйн албаны дарга, цагдаагийн хурандаа Ж.Эрдэнэболд нар мэдээлэл хийв.

Зөвлөгөөний төгсгөлд нөхөрсөг гар бөмбөг, буудлагын тэмцээнийг зохион байгуулах юм. Мөн орон нутаг дахь тусгай салбар, салааны удирдлагууд “Дулааны цахилгаан станц-4” ТӨХК-ийн хамгаалалтын нөхцөл байдлын талаар туршлага судална.