НЕПАЛЬ улсад зохиогдсон Олон улсын таеквондогийн Ази тивийн аврага шалгаруулах 7-р тэмцээнд тулааны төрөлд ОУХМ, Албадан саатуулах төвийн алба хаагч, цагдаагийн ахлах ахлагч Д.Сэлэнгэ, Завхан аймгийн цагдаагийн газрын алба хаагч, цагдаагийн ахлагч ОУХМ С.Будхүү, ИАТ-ийн цагдаагийн хэлтсийн алба хаагч цагдаагийн ахлах ахлагч Н.Энхнаран нар тус бүр жиндээ хүрэл медаль, энэ төрөлд багаараа мөнгөн медаль хүртсэн байна.

"Хүч" нийгэмлэгийн дасгалжуулагч ОУХМ Д.Сэлэнгэ нь 2002 онд Ази тивийн аврага шалгаруулах тэмцээнээс мөнгө, хүрэл медаль авч байсан туршлагатай тамирчин ийнхүү 10 гаруй жилийн дараа амжилтаа бататган шавь нарын хамт амжилттай оролцжээ. Харин ОУХМ С.Будхүү нь 2011,2013 оны Дэлхийн аваргын хошой мөнгөн медаль хүртэж байжээ.

  Энэ удаагийн  тэмцээнд нийт 20-н улсын 400 гаруй тамирчид оролцсноос Монгол улс 21 хүний бүрэлдхүүнтэй оролцож, 19 медаль авсан байна. Амжилт гаргасан тамирчиддаа улам их амжилт хүсье