Анх 1944 онд манай улсад эх орныхоо эрх чөлөө, тусгаар тогтнолыг батлан хамгаалах үйл хэрэгт онц гарамгай гавьяа байгуулсан цэргийн дарга нарт генерал цолыг олгох журам гарч, үүний дагуу мөн оны 04-р сарын 28-ны өдөр БНМАУ-ын Ардын Сайд нарын зөвлөлийн тогтоолоор Ю.Цэдэнбал, Ж.Лхагвасүрэн нарын 11 хүнд олгож эхэлсэн түүхтэй. Энэ түүхэн өдрийг Монголын генералуудын өдөр болгон сүүлийн 10 гаруй жил ёслон тэмдэглэж ирсэн.

Цагдаагийн байгууллага төр, засгийн бодлого шийдвэр, хуулиар хүлээсэн гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах үндсэн чиг үүргээ, хэрэгжүүлэх, түүний бодлогыг тодорхойлоход генералуудын оруулсан хувь нэмэр үлэмж их юмаа.
Монгол Генералудын баярын өдрийг тохиолдуулан ЦЕГ-ын удирдлагууд үе үеийн генералуудаа хүлээн авч хүндэтгэл үзүүллээ.

Хошууч генерал Сэнгээгийн Дамдинсүрэн, Осорын Отгонжаргал, Баастын Пүрэвээ, Чимэддоржийн Амарболд , Данзангийн Сандаг-очир, Маньбадрахын Ганболд, бригадын генерал Аажуурын Дулаанжаргал, Тогиогийн Хүрэлбаатар нарыг  ЦЕГ-ын дарга, Бригадын генерал Билэгт бие бүрэлдэхүүний хамт хүлээн авч баяр хүргэж дурсгалын зүйл гардууллаа.