Цагдаа, дотоодын цэргийн байгууллагын аварга шалгаруулах гар бөмбөгийн тэмцээн 11 дүгээр сарын 29-нөөс 12 дугаар сарын 01-ний өдрүүдэд “Аврагч” спорт хорооны зааланд боллоо.

Гар бөмбөгийн тэмцээний эрэгтэйчүүдийн төрөлд Тээврийн цагдаагийн албаны баг тэргүүлж,  Өвөрхангай аймаг дахь Цагдаагийн газрын баг дэд, Эргүүл хамгаалалтын газрын баг гутгаар байр эзэлсэн юм. Харин эмэгтэйчүүдийн төрөлд Баянхонгор аймаг дахь Цагдаагийн газрын баг түрүүлж, Хөвсгөл аймаг дахь Цагдаагийн газрын баг дэд,  Тээврийн цагдаагийн албаны баг тамирчид гутгаар байрт шалгарав.

Цагдаа, дотоодын цэргийн байгууллагаас алба хаагчдынхаа эрүүл мэндэд анхаарах зорилгоор хэрэгжүүлж буй “Эрүүл цагдаа” хөтөлбөрийн хүрээнд “Хүч” спорт хорооноос нийт 18 төрлийн тэмцээнийг санаачлан зохион байгуулж ийнхүү гар бөмбөгийн төрлөөр өндөрлөсөн юм.

Хамгийн сүүлийн тэмцээн буюу гар бөмбөгийн дүн гарснаар 2018 онд цагдаа, дотоодын цэргийн байгууллагын алба хаагчдын дунд зохион байгуулсан 18 төрлийн спортын уралдаан тэмцээнд бусдыгаа хошуучлан амжилттай оролцсон хамт олон шалгарлаа. Дотоодын цэргийн 05 дугаар анги тэргүүлж, Эргүүл хамгаалалтын газар удаалан, Дотоодын цэргийн 805 дугаар анги гутгаар байр эзэлжээ.  

Орон нутаг дахь анги, байгууллагуудыг Дорноговь аймаг дахь Цагдаагийн газар хошуучилж, Төв аймаг дахь Цагдаагийн газар дэд байр, Баянхонгор аймаг дахь Цагдаагийн газар гутгаар байрт шалгарав.

“Хүч” спорт хорооноос зохион байгуулсан 18 төрлийн спортын тэмцээнд цагдаа, дотоодын цэргийн 70 байгууллагын 2700 гаруй алба хаагч оролцсон дүн гарчээ.