Цагдаа, Дотоодын цэргийн сургалтын Нэгдсэн төвөөс Цагдаагийн ерөнхий газрын даргын 2018 оны 09 дүгээр сарын 14-ний өдрийн “Сургалт зохион байгуулах тухай” А/229 дүгээр тушаалын дагуу Энхийг сахиулах ажиллагаанд цагдаагийн чиг үүргээр оролцох алба хаагчдыг сонгон шалгаруулалтад бэлтгэх сургалтыг зохион байгууллаа.

Сургалтад “Энхийг сахиулах ажиллагааны тухай ойлголт, арга тактик” “Эмнэлгийн анхан шатны тусламж, амилуулах суурь тусламж” “Цагдаагийн алба хаагчийн харилцаа, ёс зүй” “Ажиллагаанд оролцож байгаа алба хаагчийн сэтгэцийн эрүүл мэнд, онцлог” “Мэдээллийн аюулгүй байдал”, “Компьютерийн хэрэглээний программуудыг хэрэглэх чадвар”,“Холбооны хэрэгсэл хэрэглэх чадвар”, “Бие бялдарын бэлтгэлжилт”, “Зэвсэггүйгээр тулалдах мэх хэрэглэх”, “Аминд үл хүрэх зэвсэг”, Нэг бүрийн, хамгаалах болон олон хүнд нөлөөлөх тусгай хэрэгсэл хэрэглэх”, “Галт зэвсгийн бэлтгэл” “Галт зэвсэг хэрэглэх арга тактик”, буудлагын дадлага, жолоодлогын ур чадвар, бартаат замын жолоодлогын дадлага зэрэг сэдвүүдээр нийт 216 цагийн хичээлийг хуваарийн дагуу явууллаа.

Сургалтыг Абсолют гадаад хэлний төв, Нийслэлийн түргэн тусламжийн төв, Зэвсэгт хүчний жанжин штаб, Хууль сахиулахын их сургууль, Бизнесийн удирдлага, хүмүүнлэгийн сургууль, Зэвсэгт хүчний 013 дугаар анги, Дашваанжил авто сургууль зэрэг байгууллагуудтай хамтран амжилттай зохион байгуулав.

Сонгон шалгаруулалт энэ оны 11 дүгээр сарын 3 дугаар долоо хоногт  зохион байгуулагдахаар төлөвлөгдөөд байна.