Өвөрхангай аймаг дахь Цагдаагийн газраас “Шилдэг хэсгийн төлөөлөгч-2018” тэмцээнийг өнгөрөгч есдүгээр сарын 26-28-ны өдрүүдэд зохион байгуулжээ. Тэмцээнд 15 сумын хэсгийн төлөөлөгч мэргэжлийн ур чадвар, авхаалж самбаа сорин өрсөлдсөнөөс Сант сум хариуцсан хэсгийн төлөөлөгч, цагдаагийн ахмад Х.Батпүрэв түрүүлж автомашины эзэн боллоо.

Дэд байрт Хайрхандулаан сумын хэсгийн төлөөлөгч, цагдаагийн дэслэгч Т.Болдхуяг шалгарч өргөмжлөл, мөнгөн медаль, үнэ бүхий зүйлээр шагнуулсан бол гутгаар байр эзэлсэн Зүүнбаян-Улаан сумын хэсгийн төлөөлөгч, цагдаагийн ахлах дэслэгч П.Буянбаярыг өргөмжлөл, хүрэл медаль, үнэ бүхий зүйлээр шагнажээ.

Тэмцээндээ амжилттай оролцсон алба хаагчдад баяр хүргэж, ажлын амжилт хүсье.