ЦЕГ-ын Олон нийтийн аюулгүй байдлыг хангах газрын Хамгаалалтын газрын 2014 оны аварга шалгаруулах “Марш-тусгай бэлтгэлийн цогцолбор” тэмцээн Сонгинохайрхан дүүргийн 21 дүгээр хороо “Нарстайн ам”-д байрлах Цагдаа, дотоодын цэргийн сургалт, дадлагын төвд 2014 оны 03 дугаар сарын 21-ний өдөр зохион байгуулагдлаа.

Тэмцээнд Олон нийтийн аюулгүй байдлыг хангах газрын Төлөвлөлт бодлого, Харуул хамгаалалт, Мэргэжил арга зүйн хэлтсийн ахлах мэргэжилтэн, мэргэжилтэн Албаны слорт, сургалтын “Хүч нийгэмлэг” төвийн сургагч, зааварлагч нар шүүгчээр оролцож, Хамгаалалтын газрын Дипломат байгууллага, банкны хамгаалалт, Төрийн хамгаалалт, Тусгай хамгаалалтын хэлтсийн хэсгийн дарга, ахлах дэг журам сахиулагч, дэг журам сахиулагч, хэсэг тус бүр /1 ахлах дэг журам сахиулагч болон дэг журам сахиулагч, хамгаалалтын цагдаа, харуулын цагдаа, цагдаа-зохицуулагч 9, нийт 10 алба хаагч/-ээс бүрдсэн 1 баг, нийт 9 баг оролцсон юм.

 Батлагдсан удирдамж, зураглалын дагуу гараан дээр баг, тамирчдын хувцаслалт, нэг бүрийн тусгай хэрэгсэл, бэлэн байдлын үүргэвч, аранзыг шалгаж, буудлага, гранат шидэлт, гар дээр суниалт, троссонд авирах, хорт утаанд орох дасгал гүйцэтгэх, үндсэн 4 цэг, тэмээн шат, эгц шат уруудах, дүүжин шат, сүлжих, тойрох, шургах саадыг давах хяналтын 8 цэг, нийт 12 цэгийг дамжин 5 км-т гүйцэтгэх дасгал, нормативыг хэсгийн дарга, баг тамирчдын гэсэн төрлөөр зохион байгуулагдсан.

Мөн түүнчилэн Олон нийтийн аюулгүй байдлыг хангах газрын 3 хэлтсийн ахлах мэргэжилтэн, мэргэжилтэн, Хамгаалалтын газрын хэлтсүүдийн ахлах дэг журам сахиулагч, дэг журам сахиулагч нарыг 3 км-ын кросс гүйлтэд оролцууллаа.

Тэмцээний дүн гарахад тэргүүн байрыг Тусгай хамгаалалтын хэлтсийн хамгаалалтын 4 дүгээр хэсэг, 2 дугаар байрыг Төрийн хамгаалалтын хэлтсийн Хэв журмын хамгаалтын хэсэг, 3 дугаар байрыг Дипломат байгууллага, банкны хамгаалалтын хэлтсийн Дипломат байгууллагын 1 дүгээр хэсгийн баг тамирчид, Хэсгийн дарга нарын тэмцээнд хэсгийн дарга, цагдаагийн хошууч Н.Олонбаяр тэргүүн байр, цагдаагийн хошууч П.Жаргалсайхан 2 дугаар байр, цагдаагийн хошууч Ж.Алтангэрэл 3 дугаар байрыг тус тус эзэлсэн юм.