Энэ сарын 14-ний өдөр Засгийн газрын хуралдаанаар Цагдаагийн байгууллагын хөгжлийн хөтөлбөрийг баталсан. Өнөөдөр цагдаагийн албаны тухай хуулинд Хөгжлийн хөтөлбөрийг Засгийн газар батална гэсэн заалт байдаг. Тэгвэл энэ талаар  ЦЕГ-ийн Хэвлэл, мэдээллийн төвийн дарга, цагдаагийн хошууч Б.Баатархүүгээс тодруулахад “Энэ хөтөлбөр 2014-2019 он хүртэл хоёр үе шаттайгаар хэрэгжинэ.

Хөгжлийн хөтөлбөр батлагдсанаар цагдаагийн байгууллага байгуулах зарчим, сайн удирдан зохион байгуулах, эрүүл чадварлаг хүний нөөц, үр ашигтай төсөл, санхүү, хөрөнгө оруулалт, олон нийттэй харилцах зэрэг ажлыг сайжруулах зорилготой. Өөрөөр хэлбэл удирдлага зохион байгуулалтыг яаж хөгжүүлэх, мэргэжлийн үйл ажиллагааг явуулах юм. Угаасаа цагдаагийн байгууллага мэргэжлийн түвшинд байж, гэмт хэрэгтэй тэмцэх, нийтийн хэв журмыг хамгаалах, олон нийтийн аюулгүй байдлыг хангуулах ажлыг хийх ёстой.  Үүнийг л илүү болгох хөтөлбөр юм. Эрүүл чадварлаг хүний нөөц буюу алба хаагчдын эрүүл байдлыг хөндсөн, тэр дундаа цагдаагийн алба хаагчид эрүүл мэндээ хамгаалж чаддаггүй, их хүнд байдаг. Харин энэ хөгжлийн хөтөлбөр батлагдсанаар алба хаагчдын эрүүл мэндийг чухалчлах юм. Түүнчлэн үр ашигтай зүйлд хөрөнгө оруулалт хийж, санхүүгийн зохицуулалтыг ч энэ хөтөлбөрөөр сайжруулна.” гэв.

Эх сурвалж: www.24tsag.mn