Дотоодын цэргийн штабын 2017 оны үйл ажиллагааны тайлангийн хурал өнөөдөр болж тус хуралд Дотоодын цэргийн штабын дарга, хурандаа С.Ганбат, 05 дугаар ангийн захирагч хурандаа Ц.Гансүх, 805 дугаар ангийн захирагч, дэд хурандаа Ц.Наранбаатар болон штаб, анги, байгууллагын бие бүрэлдэхүүн оролцлоо.

Тайлангийн хурлын үеэр 2017 онд хийж гүйцэтгэсэн ажлын ололт, амжилтаа дүгнэж, ажлын байрны тодорхойлолтод заасан зорилго, зорилт, төрийн албан хаагчийн үр дүнгийн гэрээгээр хүлээсэн үүргээ амжилттай биелүүлж, ажил хөдөлмөрөөрөө бусдыгаа хошуучлан ажилласан “Хөдөлмөрийн тэргүүний болон ажил, мэргэжлийн шилдэг, оны онцлох алба хаагч, хамт олныг шалгаруулан шагнаж урамшуулсан юм.

Дотоодын цэргийн 2017 оны Хөдөлмөрийн тэргүүний байгууллагаар дэд хурандаа Ц.Наранбаатар захирагчтай 805 дугаар ангийн хамт олон, Хөдөлмөрийн тэргүүний удирдах ажилтнаар Багануур дүүрэг дэх дотоодын цэргийн тусгай салааны захирагч дэд хурандаа Д.Загдрагчаа, Хөдөлмөрийн тэргүүний алба хаагчаар 05 дугаар ангийн харуулын дарга, дэслэгч Г.Галдандулжа, Ажил мэргэжлийн шилдэг алба хаагчаар 805 дугаар ангийн салааны захирагч, ахлах дэслэгч Б.Наранжаргал, мөн ангийн жолооч, ахлах ахлагч Д.Ганбаатар, 05 дугаар ангийн харуулчин, ахлах ахлагч Г.Нацагдорж, мөн ангийн сантехникийн засварчин Т.Батмөнх, Оны онцлох харуулчнаар Дорнод аймаг дахь дотоодын цэргийн тусгай салааны харуулчин, ахлагч Ч.Лхагвадорж, Оны онцлох тамирчнаар 805 дугаар ангийн эргүүлчин, ахлах ахлагч С.Батгал нар тус тус шалгарсан байна.