100 жил
НАЛАЙХ ДҮҮРЭГ ДЭХ ЦАГДААГИЙН ХЭЛТЭС “БАХАРХАЛ” ҮЙЛ АЖИЛЛАГАА ЗОХИОН БАЙГУУЛЛАА
Налайх дүүрэг дэх цагдаагийн хэлтээс алба хаагчдын албандаа хандах хандлагыг сайжруулж, албаараа болон өөрөөрөө, хамт олноороо бахархах үзэл бодлыг төлөвшүүлэх, цагдаагийн байгууллагад ажиллах хугацаандаа албан үүргээ ухамсарлаж, үүрэгт ажилдаа хариуцлагатай хандан албаны нэр хүндээ өндөрт өргөж, сахилга, ёс зүйн зөрчил дутагдалгүй ажиллаж байгаа алба хаагчдыг алдаршуулах, бусдад үлгэр дууриал болгох зорилгоор бахархал ёслолын үйл ажиллагааг зохион байгууллаа.
Энэхүү үйл ажиллагаанд Нийслэлийн цагдаагийн газрын ахмадын хорооны дарга, бэлтгэл хурандаа Н.Гаравсүрэн, Монгол улсын Хөдөлмөрийн баатар, Олимпийн аврага Н.Түвшинбаяр нар алба хаагчдын сонирхсон асуултанд хариулж, бахархалын талаар яриа өрнүүлэн, Налайх дүүрэг дэх цагдаагийн хэлтсийн дарга, цагдаагийн дэд хурандаа Н.Сумьяа, тус хэлтсийн тасгийн дарга нар алба хаагчдын төлөөлөл оролцсон юм.
Энэ үеэр сахилга ёс зүйн зөрчил гаргаагүй алба хаагч нараа шалгаруулан, “Хэрвээ би удирдах түвшний шийдвэр гаргах эрх бүхий албан тушаалтан байсан бол алба хаагчдын сахилга ёс зүйг сайжруулах чиглэлээр авах арга хэмжээ сэдэвт эссэ бичлэгийн уралдааны шилдгүүдэд шагнал гардуулав.
2017 онд сахилга ёс зүйн зөрчилгүй ажилласан алба хаагч нартаа ажлын амжилт хүсье
