ЦЕГ-ын тэргүүн дэд дарга, цагдаагийн хурандаа Р.Отгонжаргал 2017 оны 12 дугаар сарын 18-ны 14.00 цагт Японы олон улсын хамтын ажиллагааны байгууллага /ЖАЙКА/-гийн суурин төлөөлөгч Сато Мицүмиг ЦЕГ-ын зөвлөлийн өрөөнд хүлээн авч уулзлаа. Уулзалтад ЖАЙКА-гийн сайн дурын ажилтнуудын асуудал хариуцсан зохицуулагч Такамура Асами, хөтөлбөрийн ажилтан П.Алтансүх, ГХХ-ийн дарга, цагдаагийн дэд хурандаа Н.Баясгалан, мөн хэлтсийн ахлах мэргэжилтэн, цагдаагийн дэд хурандаа Ш.Тунгалаг нар байлцлаа.

Уулзалтаар Японы олон улсын хамтын ажиллагааны байгууллага /ЖАЙКА/-гаас зам тээврийн ослын улмаас иргэд амь насаа алдах явдал их байгаатай холбогдуулан зам тээврийн ослоос урьдчилан сэргийлэх чиглэлээр төсөл хэрэгжүүлэхээр ажиллаж байгаа талаар санал танилцуулж, Монголын Цагдаагийн байгууллагаас дэмжиж, талууд төслийг хэрэгжүүлж ажиллахаар харилцан тохиролцлоо.