Тэмцээний хоёрдугаар байрт Хэнтий аймаг дахь Цагдаагийн газрын хэсгийн байцаагч, цагдаагийн дэслэгч Г.Хатанбаатар, гутгаар байрт Төв аймаг дахь Цагдаагийн газрын хэсгийн байцаагч, цагдаагийн дэслэгч С.Цэдэндорж шалгарсан юм.
“Хэсгийн байцаагч-2017” тэмцээнд 21 аймаг, нийслэлийн 9 дүүргийн цагдаагийн газар, хэлтсээс шалгарсан шилдэг 38 хэсгийн байцаагч хууль, эрх зүй, гадаад хэл, компьютерийн мэдлэг, эсээ бичлэг, цагдаагийн алба хаагчийн бие бялдрын бэлтгэлжилт, албаны галт зэвсэг хэрэглэх, автомашин, мотоцикль жолоодох ур чадвараараа өрсөлдсөн.

Цас, бороо холилдон орж, цасан шамарга шавхуурдсан намрын хүйтэн өдөр тэсвэр хатуужил, ур чадвар сорьсон хүндхэн даалгавруудыг гүйцэтгэх хүдэр чийрэг эрчүүдийн дунд ганцхан эмэгтэй алба хаагч өрсөлдсөн нь Дундговь аймаг дахь Цагдаагийн газрын хэсгийн байцаагч, цагдаагийн ахлах дэслэгч Д.Цэвэлмаа. Өнгөрсөн жилийн тэмцээнд гутгаар байр эзэлж байсан тэрбээр энэ удаа нийлбэр онооныхоо жагсаалтаар долоодугаарт жагссан. Цагдаагийн ахлах дэслэгч Д.Цэвэлмаа “Тэмцээндээ оролцох нь чухал. Гэхдээ бид нэгэн дор цуглаж, ажил, албаныхаа болж бүтэж зүйл, эерэг тал басхүү тулгамдсан асуудал, түүнээ шийдэх арга, сайн туршлагыг нэгээсээ мэдэж, санаа бодол, санал дүгнэлтээ ярилцаж байгаа нь хамгийн олзуурхууштай” гэж ярьсан.

Мөн энэ удаагийн тэмцээний үеэр Цагдаагийн ерөнхий газрын дарга, Дотоодын цэргийн командлагч, цагдаагийн хурандаа Ө.Энхтөр хүрэлцэн ирж, хэсгийн байцаагчдад үүрэг өгөхийн сацуу тэдний ажил, мэргэжил болон ахуй амьдралд нь тулгамдаж буй асуудал, санал хүсэлтийг сонсож, тэдэнтэй нээлттэй ярилцан, шийдвэрлэх тодорхой арга зам, гарц гаргалгааг хэлэлцэж, цаашдын үйл ажиллагаандаа анхаарч ажиллахаар болж, амжилт хүссэнд алба хаагчид талархалтай байгаагаа илэрхийлж байсан юм.

ТЭМЦЭЭНДЭЭ АМЖИЛТТАЙ ОРОЛЦСОН ХЭСГИЙН БАЙЦААГЧДАДАА АМЖИЛТ ХҮСЬЕ.