Монгол Улсын ерөнхийлөгчийн зарлиг болон Цагдаагийн ерөнхий газрын дарга, Дотоодын цэргийн командлагч, бригадын генерал Б.Билэгтийн тушаалаар Монголын Үндэсний эрх чөлөөний хувьсгалын 102 жилийн ойг тохиолдуулан цагдаа, дотоодын цэргийн байгууллагад олон жил үр бүтээлтэй, идэвхи зүтгэл гарган ажилласан цагдаагийн алба хаагчдыг “Цагдаагийн гавьяа”, “Спортын алдар”, “Цагдаагийн төлөө” одон тэмдгээр шагнаж урамшууллаа.
Мөн энэ үеэр хугацааны ээлжит болон хугацааны өмнө цагдаагийн цол авсан алба хаагчдад ЦЕГ-ын даргын зөвлөлийн гишүүд мөрдөс тэмдгийг гардуулан өглөө.
Хугацааны өмнө цагдаагийн хурандаа цолоор ЦЕГ-ын Бодлого, зохицуулалт, үнэлгээний хэлтсийн дарга, цагдаагийн дэд хурандаа О.Болдсайхан, Орхон аймгийн Засаг даргын дэргэдэх цагдаагийн газрын дарга, цагдаагийн дэд хурандаа Б.Даваазул, Сонгинохайрхан дүүрэг дэх цагдаагийн 1 дүгээр хэлтсийн дарга, цагдаагийн дэд хурандаа Б.Батсуурь нарын 7 алба хаагч, хугацааны өмнө цагдаагийн дэд хурандаа цолоор НХЖХГ-ын Төлөвлөлт хариуцсан зохицуулалтын хэлтсийн Онцгой байдлын ажил хариуцсан ахлах байцаагч, цагдаагийн хошууч Ж.Амгалан, Баянхонгор аймгийн Засаг даргын дэргэдэх цагдаагийн цагдаагийн газрын хүний нөөц, сургалт хариуцсан дэд дарга, цагдаагийн хошууч Ч.Мөнхбаатар нарын 4 алба хаагч, хугацааны өмнө цагдаагийн хошууч цолоор ЦЕГ-ын Захиргааны удирдлагын газрын Гадаад харилцааны хэлтсийн ахлах байцаагч, цагдаагийн ахмад Ш.Тунгалаг нарын 8 алба хаагч, хугацааны өмнө цагдаагийн ахмад цолоор 12 алба хаагч, цагдаагийн ахлах дэслэгч цолоор 4 алба хаагч, цагдаагийн дэслэгч цолоор мөн 4 алба хаагч шагнагдлаа.
Зэрэг дэв дээгүүр цагдаагийн хурандаа цолоор Мөрдөн байцаах газрын Байгаль хамгаалах журмын эсрэг гэмт хэрэг мөрдөх хэлтсийн ахлах мөрдөн байцаагч, цагдаагийн дэд хурандаа С.Чулуунбат, Нийслэлийн цагдаагийн газрын Гэмт хэрэгтэй тэмцэх газрын хяналт, шалгалт хариуцсан чиглэлийн ахлах төлөөлөгч, цагдаагийн дэд хурандаа Д.Ганхуяг нарын гурван алба хаагч шагнагдсан юм.
Харин хугацааны Цагдаагийн дэд хурандаа цолоор ЦЕГ-ын Дотоод хяналт, шалгалт, аюулгүй байдлын хэлтсийн шалган зааварлагч, цагдаагийн хошууч Б.Энхжавхлан, Замын цагдаагийн газрын Захиргааны удирдлагын хэлтсийн дотоод хяналт, шалгалт хариуцсан чиглэлийн ахлах байцаагч, цагдаагийн хошууч Т.Энхболд, Нийгмийн хэв журам хамгаалах газрын Захиргааны удирдлагын хэлтсийн Хүний нөөцийн чиглэлийн ахлах байцаагч, цагдаагийн хошууч Д.Ганбаатар нарын 15 алба хаагч, цагдаагийн хошууч цолоор ЦЕГ-ын хуулийн хэлтсийн ахлах байцаагч, цагдаагийн ахмад Д.Норовдорж, сургалт сурталчилгааны хэлтсийн дадлага сургалтын төвийн багш, цагдаагийн ахмад О.Мөнхзул нарын 25 алба хаагч, цагдаагийн ахмад цолоор Эрүүгийн цагдаагийн газрын 2 дугаар хэлтсийн төлөөлөгч, цагдаагийн ахлах дэслэгч Д.Сэргэлэн нарын 37 алба хаагч, цагдаагийн ахлах дэслэгч цолоор ЗЦГ-ын захиргааны удирдлагын хэлтсийн аж ахуйн ахлах ажилтан, цагдаагийн дэслэгч Б.Ганбаатар, дотоодын цэргийн 05 дугаар ангийн цагдаагийн хэсгийн хэв журмын байцаагч, цагдаагийн дэслэгч Б.Алтангэрэл нарын 40 алба хаагч, офицерийн бүрэлдэхүүнд оруулж, цагдаагийн дэслэгч цолоор 17 алба хаагч шагнагдаж цолоо гардан авлаа.