“МЭРГЭЖЛИЙН АВАРГА МӨРДӨГЧ-2017” ТЭМЦЭЭН 24 ДЭХ ЖИЛДЭЭ БОЛЛОО

Мөрдөн байцаах алба байгуулагдсаны 71 жилийн ойг тохиолдуулан 2017 оны 09 дүгээр сарын 06, 07-ны өдрүүдэд “Мэргэжлийн аварга мөрдөгч-2017” тэмцээнийг Хууль сахиулахын их сургууль, Сургалтын нэгдсэн төв, Зэвсэгт хүчний 318 дугаар ангитай хамтран амжилттай зохион байгууллаа.

Тус тэмцээнд Мөрдөн байцаах алба, Эрүүгийн цагдаагийн алба, Замын цагдаагийн алба, Нийслэлийн цагдаагийн газрын Мөрдөн шалгах газар, Нийслэлийн 9 дүүрэг, Төмөр зам дахь Цагдаагийн газар болон Авлигатай тэмцэх газар, Тагнуулын ерөнхий газрын 30 гаруй мөрдөгч оролцсон юм.
Мөдөгчид хууль, эрх зүйн мэдлэг шалгах, гэмт хэргийн талаар бодлого бодох, Сэтгэн бодох чадвар, гадаад хэлний мэдлэг шалгах, компьютерт ажиллах чадвар шалгах, бие бялдрын шапгалт, буудлага, хэргийн газрын үзлэг хийх гэсэн 8 төрлөөр хурд, хүч, мэдлэг оюунаа сорин өрсөлдлөө.