Шинэчлэн батлагдсан Цагдаагийн албаны тухай хууль 2014 оны 01 дүгээр сарын 01-ний өдрөөс хэрэгжихтэй холбогдуулан хуулийн хэрэгжилтийг хангах бэлтгэл ажил, цагдаагийн байгууллагын шинэтгэлийн хүрээнд баримтлан хэрэгжүүлж буй бодлого, шийдвэр, арга хэмжээг хэрэгжүүлэх чиглэлээр зохион байгуулж буй ажлын явцыг шалгаж, туслан зааварчлах зорилгоор Цагдаагийн ерөнхий газрын даргын тушаалаар даргын зөвлөлийн гишүүдээр ахлуулсан ажлын хэсгүүдийг төв, орон нутгийн цагдаа, дотоодын цэргийн байгууллагуудад төлөвлөгөөт бус шалгалт хийж дууслаа.

    Төв, орон нутгийн цагдаагийн байгууллагын удирдах албан тушаалд олон жил үр бүтээлтэй ажиллаж байсан ахмад ажилтнуудын ажлын арга барил, туршлага, зөвлөгөө зааварчилгыг залуу удирдах ажилтан, алба хаагчдад өгүүлэх зорилгоор ахмад ажилтнуудын төлөөллийг шалгалтын бүрэлдэхүүнд оруулан ажиллуулсан байна.