Цагдаагийн байгууллагын түүхт 96, Баянхонгор аймаг дахь Цагдаагийн газрын түүхт 75 жилийн ойг угтан Цагдаагийн албаны тухай хууль бусад шинэчлэн баталсан болон нэмэлт өөрчлөлт орсон хууль тогтоомж, эрх зүйн актыг сурталчлан таниулах, алба хаагчдын ажлын стресс, алжаалыг тайлах, эрч хүчийг нэмэгдүүлэх, олон нийт-цагдаагийн хамтын ажиллагааг хөгжүүлэх, гэмт хэрэг, зөрчлөөс урьдчилан сэргийлэх чиглэлийн үйл ажиллагаанд дэмжлэг үзүүлэх зорилгоор Цагдаагийн ерөнхий газрын “Сүлд” чуулгатай хамтран 2017 оны 07 дугаар сарын 16, 17-ны өдрүүдэд  “Үргэлж тантай хамт” өдөрлөг зохион байгууллаа.

Өдөрлөгийн хүрээнд цагдаагийн байгууллагад олон жил үр бүтээлтэй ажиллаж байсан алба хаагчдыг алдаршуулах зорилгоор цэргийн байнгын тэтгэвэрт гарсан ахмад настан, цагдаагийн дэд хурандаа Ё.Баасанжав болон тус газрын тэргүүний, шилдэг алба хаагч болох эрүүгийн мөрдөгч, цагдаагийн ахлах дэслэгч Б.Мөнх-Учрал, түүний гэр бүлд хүндэтгэл үзүүлэх, алдаршуулах арга хэмжээг гэрт нь болон оршин суугч, иргэд олон нийтэд “Таныг алдаршуулъя” арга хэмжээг гэрт нь очиж зохион байгуулан оршин сууж байгаа байрных нь гадаа урлагийн тоглолт зохион байгуулж, дурсгалын зүйл гардуулсан байна.

Цагдаагийн байгууллагын 96 жил, Баянхонгор аймаг дахь Цагдаагийн газар үүсэж хөгжсөний түүхт 75 жилийн ойд зориулж, цагдаагийн албаны бэлэг тэмдэг болсон “Цагаан шонхор” шувууны хөшөөг тус газрын жагсаалын талбайд хүндэтгэлтэйгээр залах ёслолын арга хэмжээнд тус газрын ойн арга хэмжээнд хүрэлцэн ирсэн зочид, тус газарт ажиллаж байсан ахмад настанууд болон аймгийн тусгайлсан чиг үүрэгтэй хуулийн байгууллагуудын дарга, удирдлагууд, ЦЕГ-ын Сүлд чуулгын уран бүтээлчид оролцлоо.

75 жилийн ойн баярын “Хүндэтгэлийн жагсаал”-ыг аймгийн “Баганат” талбайд ёслол хүндэтгэлтэй зохион байгуулагдсан ба арга хэмжээнд хүрэлцэн ирсэн зочид, тус газарт ажиллаж байсан үе үеийн ахмадууд, ажилтан, алба хаагчид болон тэдний гэр бүл, үр хүүхдүүдэд ЦЕГ-ын “Сүлд” чуулгын уран бүтээлчид болон тус газрын цахилгаан хөгжмийн “Соёмбо” хамтлаг урлагийн тоглолт, “Тусгай бүлэг”-ийн алба хаагчдын үзүүлэх тоглолт үзүүлсэн юм.