Тулгар төрийн 2226 жил, Их Монгол Улс байгуулагдсаны 811 жил, Үндэсний эрх чөлөө, тусгаар тогтнолоо сэргээн мандуулсны 106 жил, Ардын хувьсгалын 96 жил, Үндэсний их баяр наадмыг тус тус тохиолдуулан Монгол Улсын аж үйлдвэр, байгаль орчин, боловсрол, эрүүл мэнд, соёл урлаг, спорт,  мал аж ахуй, хууль эрх зүй болон бусад салбарт олон жил үр бүтээлтэй ажилласан зарим хүнд Монгол Улсын ардын болон гавьяат цол, төрийн одон, медаль хүртээлээ.

Шагналыг Монгол Улсын Ерөнхийлөгч Ц.Элбэгдорж, Монгол Улсын Ерөнхийлөгчийн Тамгын газрын дарга Ц.Баярсайхан нар гардуулан өгөв.

Монгол Улсын гавьяат хуульч цолоор Цагдаагийн ерөнхий газрын дарга асан, хошууч генерал Д.Сандаг-Очирыг, Монгол Улсын гавьяат дасгалжуулагч цолоор ЦЕГ-ын “Хүч” спорт хорооны дарга асан, цагдаагийн бэлтгэл хурандаа Гүржавын Магванноровыг шагнасан юм.

ЭРХЭМ ГАВЬЯАТУУДАД БАЯР ХҮРГЭЕ!