100 жил
ШАГНАЛ ХҮРТСЭН АЛБА ХААГЧДАДАА БАЯР ХҮРГЭЕ
Монгол Улсын Ерөнхийлөгчийн зарлигаар хуулиар хүлээсэн үүргээ нэр төртэй биелүүлж, эрхэлсэн ажилдаа идэвх зүтгэл гаргаж, өргөсөн тангарагтаа үнэнчээр зүтгэж буй алба хаагчдыг төрийн дээд шагналаар шагнасныг Хууль зүй, дотоод хэргийн сайд С.Бямбацогт өнөөдөр гардуулан өглөө.
Цэргийн гавьяаны улаан тугийн одонгоор Хэрэг бүртгэх албаны дарга, цагдаагийн хурандаа А.Амгаланг, Хөдөлмөрийн гавьяаны улаан тугийн одонгоор “Цагаан шонхор” оёдлын газрын оёдолчин Б.Лхамсүрэнг, Цэргийн хүндэт медалиар ЦЕГ-ын Аюулгүй байдлын хэлтсийн ахлах байцаагч, цагдаагийн дэд хурандаа Ц.Амаржамц нарын 6 алба хаагчийг шагналаа.
Мөн Хууль зүй, дотоод хэргийн сайдын тушаалаар Цагдаагийн алдар тэмдгээр ЭЦА-ны Эдийн засгийн гэмт хэрэгтэй тэмцэх хэлтсийн ахлах мөрдөгч, цагдаагийн ахмад Г.Батжаргал, Хар тамхитай тэмцэх газрын эрүүгийн ахлах мөрдөгч, цагдаагийн ахмад Г.Пүрэвдэлгэр нарыг шагнасан юм.
Алба хаагчдадаа баяр хүргэе.
