100 жил
УНГАР УЛСЫН ЭЛЧИН САЙДЫГ ХҮЛЭЭН АВЧ УУЛЗЛАА
УНГАР УЛСЫН ЭЛЧИН САЙДЫГ ХҮЛЭЭН АВЧ УУЛЗЛАА
Цагдаагийн ерөнхий газрын дэд дарга, цагдаагийн хурандаа Ч.Болдбаатар Унгар Улсаас Монгол Улсад суугаа Онц бөгөөд Бүрэн эрхт Элчин сайд, ноён Акош Мадариг хүлээн авч уулзан хамтын ажиллагааны талаар санал солилцлоо.
Уулзалтад Унгар Улсаас Монгол Улсад суугаа Элчин сайдын яамны гуравдугаар нарийн бичгийн дарга, консул Карой Домонкош, Цагдаагийн ерөнхий газрын Гадаад харилцааны хэлтсийн дарга, цагдаагийн дэд хурандаа Н.Баясгалан, мөн хэлтсийн ахлах мэргэжилтэн, цагдаагийн хошууч С.Сүхболд нар байлцав.
Унгар Улсаас Монгол Улсад суугаа Элчин сайдын яамнаас Монгол Улсын цагдаагийн байгууллагад Унгар Улсын цагдаагийн алба хаагчийн иж бүрэн дүрэмт хувцсыг дурсгал болгон бэлэглэлээ. Цагдаагийн ерөнхий газрын дэд дарга, цагдаагийн хурандаа Ч.Болдбаатар цагдаагийн байгууллагын дурсгалын зүйл гардуулж, хоёр улсын цагдаагийн байгууллага хоорондын хамтын ажиллагаанд дэмжлэг үзүүлэн ажилладаг Ноён Элчин сайд Акош Мадари болон тус Элчин сайдын яамны хамт олонд талархал илэрхийлж, цаашдын ажил үйлсэд нь амжилт хүслээ.
