“Замын хөдөлгөөнд оролцогчдын аюулгүй байдлын төлөө–Иргэн таны оролцоо” сэдэвт уулзалт зөвлөгөөнд арга хэмжээг нутгийн өөрөө удирдах байгууллага болон Засаг даргын тамгын газартай хамтран Замын хөдөлгөөний аюулгүй байдал, зам тээврийн осол, хэрэг, зөрчлөөс урьдчилан сэргийлэх ажлын хүрээнд сумын нутаг дэвсгэрт зорчигч, ачаа тээврийн үйлчилгээ эрхэлдэг аж ахуй нэгж, байгууллага, иргэд хөдөлмөрчид, жолооч нар оролцжээ.

Мөн Цогтцэций сумын Засаг дарга О.Бадарч, Тамгын газрын дарга Б.Ганболд, Цагдаагийн хэлтсийн дарга, цагдаагийн дэд хурандаа Д.Баярбат, багийн Засаг дарга нар оролцсон байна. Мөн “Дэгжих говь” авто сургуулийн захирал, Монгол Улсын зөвлөх инженер М.Долгорсүрэн “Хөдөлгөөний аюулгүй байдлын үндэс”, аймгийн Насан туршийн боловсролын төвийн Зөвлөх багш Ц.Амарсайхан “Аз жаргал амжилт”, М.Ууганцэцэг “Гэр бүл” сэдвээр сургалт явууллаа гэж Цогтцэций сум дахь Сум дундын Цагдаагийн хэлтсээс мэдээллээ.