АЛБА ХААГЧИД САР ШИНИЙН ӨМНӨХӨН ШИНЭ БАЙРНЫ ТҮЛХҮҮРЭЭ ГАРДЛАА

2017-03-02 00:00:00

2603

Баянзүрх дүүрэг дэх цагдаагийн хоёрдугаар хэлтсийн алба хаагчдын шинэ орон сууцны нээлт өнөөдөр /2017.02.24/ боллоо.

Шинэ байранд орохоор захиалга өгсөн алба хаагчид сар шинийн өмнөхөн шинэ байрныхаа түлхүүрийг гардан авлаа. Хэлтсийнхээ алба хаагчдын нийгмийн асуудлыг шийдвэрлэх зорилгоор алба хаагчдын санаалчилгаар үүсгэн байгуулагдсан “Таван сүлдэт эрдэнэ” БГБХНөхөрлөл 110 айлын орон сууцыг зах зээлийн үнээс хямд бариулахаар тохиролцон “Сүмбэр цамхаг” ХХК-иар бариулсан байна. Орон сууц барих ажил өнгөрөгч оны 2016 оны тавдугаар сард эхэлж, энэ оны нэгдүгээр сард сарын 10-нд ашиглалтад оруулжээ.

Өнөөдрийн байдлаар 45 алба хаагч орон сууцны зээллэгэд хамрагдахаар Хас, Хаан банкинд хүсэлтээ хүргүүлээд байгаа аж. Харин төлбөрөө төлсөн 42 алба хаагч шинэ орон сууцандаа орсон байна. Мөн Эрүүгийн цагдаагийн газар, Мөрдөн байцаах газар, орон нутаг болон бусад дүүргийн цагдаагийн хэлтсийн 36 алба хаагч захиалгаа өгч хөнгөлөлттэй үнээр хамрагдсан байна.

Орон сууцны нээлтийн үйл ажиллагаанд Цагдаагийн ерөнхий газрын дэд дарга, дэд комиссар М.Лувсандорж, Улаанбаатар хотын Цагдаагийн газрын дарга, туслах комиссар Ж.Эрдэнэболд, УИХ-ын гишүүн Б.Саранчимэг, нийслэлийн Засаг дарга С.Батболд, Баянзүрх дүүрэг дэх цагдаагийн хоёрдугаар хэлтсийн дарга, цагдаагийн хурандаа Т.Дамбийням болон бусад албаны хүмүүс, тус хэлтсийн алба хаагчид, ар гэрийн төлөөлөл оролцлоо.

Цагдаагийн алба хаагчдын орон сууцыг түргэн хугацаанд, хөнгөлөлттэй үнээр барьж өгсөн “Сүмбэр-цамхаг” ХХК-ийн удирдлагуудыг Цагдаагийн ерөнхий газрын тушаалаар Жуух бичиг, Баярын бичгээр шагнасныг нээлтийн үеэр гардуулж өгсөн юм.

ШИНЭ МЭДЭЭ