Цагдаагийн сэтгэлзүйчид зөвхөн алба хаагчдадаа сэтгэл зүй, сэтгэл заслын үйлчилгээ үзүүлэн ажиллаж байсан бол гэр бүлийн хүчирхийлэлд өртсөн иргэн, аюулын зэргийн түвшин өндөртэй хохирогчид сэтгэл зүйн тусламж үзүүлэх, гэр бүлийн хүчирхийллийн гэмт хэргийн шалгаж буй алба хаагчтай хамтарсан багаар ажиллахаар болж байгаа юм.
Энэхүү сургалт нь цаашид дүүрэг, орон нутгийн цагдаагийн газар, хэлтэст үргэлжилж удирдлагууд болон алба хаагчдыг хамруулах аж.

Дашрамд дуулгахад, Цагдаагийн байгууллага гэр бүлийн хүчирхийлэлтэй холбоотой дуудлага мэдээллийг алдалгүй, шуурхай хүлээж авахын тулд НҮБ-ын байгууллагын Хүн амын сан, Швейцарийн хөгжлийн агентлагтай хамтран Мэдээллийн сан боловсруулах төслийг хэрэгжүүлж байна. Энэхүү төсөл амжилттай хэрэгжвэл энэ төрлийн гэмт хэргийн дуудлага мэдээллийг цагдаагийн байгууллага бүрэн гүйцэт, алдалгүй хүлээн авах боломжтой болох юм. Үүгээр зогсохгүй шат шатны хяналтын байгууллагын системийг сайжруулж Эмнэлэгт суурилсан нэг цэгийн үйлчилгээ, Хамгаалах байр, Хүүхдийн тусламжийн 108 дугаарын утас, Хүчирхийллийн эсрэг үндэсний төв зэрэг төрийн болон ТББ-уудын ажлын уялдаа холбоог сайжруулах ач холбогдолтой аж.

Түүнчлэн ирэх сарын 1 буюу Гэр бүлийн хүчирхийлэлтэй тэмцэх тухай хууль хэрэгжиж эхэлсэн өдрөөс орон нутагт ажиллаж байгаа тусгай дугаарын 102 утсыг ЦЕГ-ын МШУТ-ийн 102 дугаартай холбохоор ажиллаж байна.