Тус цагдаагийн газраас мал хулгайлах, байгаль хамгаалах журмын эсрэг гэмт хэрэг, зөрчлийг илрүүлэх, таслан зогсоох зорилгоор “Хяналт шийдвэрлэлт-2016” нэгдсэн арга хэмжээ хэрэгжүүлж байгаа билээ.

 Энэхүү ажлын хүрээнд шалган нэвтрүүлэх 10 постод цагдаагийн газраас 14, бусад байгууллагаас 22 алба хаагч ажиллаж, эхний долоо хоногийн байдлаар 1990 тээврийн хэрэгсэл, 6463 зорчигчийг шалган, 9252 мал, мах, 233 м³ мод, найман ширхэг загас, 35 тн жоншны гарал үүслийг баталгаажуулан нэвтрүүллээ.

Мөн хөдөлгөөний аюулгүй байдлын тухай хууль зөрчсөн 118, согтуугаар тээврийн хэрэгсэл жолоодсон дөрөв, гарал үүслийн гэрчилгээгүй мал, мах тээвэрлэсэн долоо, зохих зөвшөөрөлгүйгээр ан агнасан хоёр нийт 131 зөрчлийг илрүүлэв. Зөрчил гаргагч 108 иргэнийг 4.2 сая төгрөгөөр торгож, нэг чоно, нэг зээрийг хураан авч шалган, 2889 иргэнд гэмт хэргээс урьдчилан сэргийлэх зөвлөгөө, сэрэмжлүүлэг хүргэсэн байна.