100 жил
ЦАГДААГИЙН ЕРӨНХИЙ ГАЗРЫН ХАРЬЯА СУРГАЛТЫН ТӨВ, ""АБСОЛЮТ" ГАДААД ХЭЛНИЙ ТӨВ ХАМТРАН АЖИЛЛАХААР БОЛЛОО
2016-10-21 00:00:00
2145
Гадаад хэл сургалтын “Абсолют” төв нь нийгмийн хариуцлагаа хэрэгжүүлэгч байгууллагын хувьд Цагдаагийн Ерөнхий газрын сургалтын төвтэй хамтран цагдаагийн алба хаагчдын гадаад хэлний мэдлэгийг дээшлүүлэхэд хамтран ажиллахаар боллоо.
Энэ ажлын хүрээнд Цагдаагийн Ерөнхийн газрын Сургалтын төвийн дарга, цагдаагийн хурандаа Б.Цогтбаяр, Абсолют төвийн захирал Д.Чулуунбаатар нар хамтын ажиллагаагаа өргөжүүлэх уулзалт зохион байгуулж, цагдаагийн алба хаагчдыг гадаад хэлний сургалтанд хамруулах, сургалтын анги танхим тохижуулах талаар хамтран ажиллах гэрээнд гарын үсэг зурлаа. Эхний ээлжинд цагдаагийн 8 алба хаагчийг англи хэлний анхан шатнаас TOEFL ын шатанд хүртэл 100 хувийн тэтгэлэгтэйгээр 8 сарын хугацаанд сургаж бэлтгэн, гадаад хэлний лингафоны танхимыг тохижуулахад дэмжлэг үзүүлэхээр болсон юм.
Цаашид уг төвтай хамтран жил бүр тодорхой тооны цагдаагийн алба хаагчдын хэлний мэдлэгийг дээшлүүлэхэд хамтран ажиллаж, мэргэжлийн багш, ном, сурах бичиг, гарын авлагаар хангах, мэргэжил арга зүйн туслалцаа өгөх зэрэг асуудлаар хамтын ажиллагаагаа улам өргөжүүлэн ажиллахаар төлөвлөж байна.
