100 жил
“ШҮҮХ, ШҮҮГЧИЙН АЮУЛГҮЙ БАЙДЛЫГ ХАНГАХ ХЭЛТЭС”-ийг байгууллаа.
Монгол Улсын Засгийн газрын 2016 оны 07 дугаар сарын 27-ны өдрийн 4 дүгээр тогтоолоор Тахарын албыг татан буулгаж, Тахарын ерөнхий газрын даргын 2016 оны 08 дугаар сарын 02-ны өдрийн Б/247 дугаар тушаалаар алба хаагчдыг чөлөөлж, Цагдаагийн байгууллагын мэдэлд шилжүүлсэн.
Цагдаагийн ерөнхий газрын даргын 2016 оны Б/437 дугаар тушаалаар төв, орон нутгийн цагдаагийн зарим газар, хэлтэс, төвийн бүтэц, орон тоог шинэчлэн баталж, 10 дугаар тойрог, Нийслэлийн тахарын албанд ажиллаж байсан алба хаагчдыг Цагдаагийн ерөнхий газрын даргын 2016 оны Б/438 дугаар тушаалаар цагдаагийн албанд томилж, цагдаагийн цол олгосон.
Цагдаагийн ерөнхий газрын даргын 2016 оны 08 дугаар сарын 09-ний өдрийн Б/437 дугаар тушаалаар тус газрын бүтцэд “Шүүх, шүүгчийн аюулгүй байдлыг хангах хэлтэс”-ийг байгуулж, алба хаагчдыг томилсонтой холбогдуулан 2016 оны 08 дугаар сарын 13-ны өдрийн 10.00 цагт тус газрын жагсаалын талбайд шинээр томилогдсон алба хаагчдын хүн нэг бүрийн тусгай хэрэгсэл, албаны дүрэмт хувцас болон техникийн үзлэг шалгалт хийж ажиллалаа.
2016 оны 08 дугаар сарын 14-ний өдрийн 10.00 цагт тус газрын жагсаалын талбайд шинээр томилогдсон алба хаагчдын "Цагдаагийн тангараг өргүүлэх ёслолын арга хэмжээ"-г зохион байгуулсан. Цагдаагийн хурандаа Б.Эрдэнэном даргатай Хамгаалалтын нэгдүгээр газар ам бүл нэмэгдэж нийт 600 гаруй алба хаагч нартай боллоо.
Арга хэмжээний үеэр Цагдаагийн ерөнхий газрын Олон нийтийн аюулгүй байдлыг хангах албаны дарга, туслах комиссар П.Энхтогтох, Хамгаалалтын нэгдүгээр газрын дарга, цагдаагийн хурандаа Б.Эрдэнэном нар алба хаагчдад ажлын амжилт хүслээ.
