Монгол Улсын Хууль Зүйн сайдын 2016 оны А/43 дугаар тушаалаар батлагдсан удирдамжийн дагуу байгаа “Төрийн архивын улсын үзлэг”-ийг Цагдаагийн ерөнхий газрын Төв архивын газар 2016 оны 06 дугаар сарын 02-ны өдрөөс эхлэн 7 ийг хүртэл зохион байгуулсан юм. Улсын үзлэгийг 10-н чиглэлээр зохион байгуулж, Лицензийн төвийн архивын үйл ажиллагаатай танилцаж, цагдаагийн түүхэн замналын музей үзүүлэн төрийн архивын улсын үзлэгийг батлагдсан удирдамжийн дагуу зохион байгууллаа. Төв архивын газрын ажлын хэсгийн бүрэлдэхүүнийг ЦЕГ-ын төв архивын газрын дарга, бригадын генерал Т.Хүрэлбаатар, Цагдаагийн ерөнхий газрын Тэргүүн дэд дарга, тэргүүн дэд комиссар Ц.Батсүх, Цагдаагийн ерөнхий газрын дэд дарга, улсын үзлэгт бэлтгэх ажлын хэсгийн ахлагч, дэд комиссар Ц.Ням-Очир, нар хүлээн авч уулзлаа. Тав архивын газрын зүгээс ажлын хэсгийн бүрэлдэхүүнд Архивын ерөнхий газрын Захиргааны удирдлагын газрын дарга, Л.Баасанбаяр, Архив, албан хэрэг хөтлөлтийн улсын ахлах байцаагч Л.Дэлгэрцэцэг, Улсын байцаагч Ө.Батсүрэн, А.Болд нар ажиллажээ. “Төрийн архивын улсын үзлэг”-ээр Цагдаагийн Ерөнхий газар 99,5 хувийн үнэлгээтэй шалгагдсан байна.