Монгол Улсын Хууль Зүйн сайдын 2016 оны А/43 дугаар тушаалаар батлагдсан удирдамжийн дагуу зохион байгуулагдах “ТӨРИЙН АРХИВЫН УЛСЫН ҮЗЛЭГ”-т бэлтгэх үүрэг бүхий Цагдаагийн ерөнхий газрын даргын тушаалаар байгуулагдсан ажлын хэсэг 2016 оны 05 дугаар сарын 25-ны өдөр хуралдав. 
Ажлын хэсгийн хурлаар “Төрийн архивын улсын үзлэг”-ийн бэлтгэл ажлыг хангах ажлын төлөвлөгөөний биелэлт, үр дүнгийн талаар ЦЕГ-ын Төв архивын газрын дэд дарга, ажлын хэсгийн нарийн бичгийн дарга, цагдаагийн дэд хурандаа Д.Цогтгэрэлийн мэдээллийг сонсолоо.
Ажлын төлөвлөгөөний биелэлт 98,0 хувьтай биелэгдснийг тэмдэглэж, үзлэгийн бэлтгэл ажлыг улам чанаржуулж, хариуцсан ажилуудаа бүрэн дүүрэн хангаж, төлөвлөгөөнд заагдсан дутуу биелэлтэй байгаа ажлыг биелүүлж ажиллахыг ажлын хэсгийн гишүүдэд ЦЕГ-ын дэд дарга, ажлын хэсгийн ахлагч, дэд комиссар Ц. Ням-Очир тодорхой үүрэг чиглэл өгсөн юм.