Цагдаагийн байгууллагын түүхт 95, Улаабаатар хотын цагдаагийн газрын 90, Цагдаагийн байгууллагын ахмадын холбооны 50 жилийг ойг угтаж Улаанбаатар хотын цагдаагийн газраас санаачлан Цагдаагийн байгууллагын үе үеийн ажил мэргэжлийн болон хөдөлмөрийн аварга, ахмад ажилтнуудын ажлын тэргүүн туршлага, бүтээлч санаа, ажил үйлсийг хойч үедээ түгээн дэлгэрүүлэх, судлуулах, сурталчлах зорилгоор “Бидний бахархал” хүндэтгэлийн арга хэмжээг 2016 оны 05 дугаар сарын 20-ны өдөр “Монголын хүүхдийн ордон”-ны бага танхимд зохион байгууллаа.

Хүндэтгэлийн арга хэмжээнд цагдаагийн ахмад ажилтан, хошууч генерал О.Отгонжаргал, Монгол улсын гавьяат хуульч, цагдаагийн бэлтгэл хурандаа Ш.Энхбат, Цагдаагийн ерөнхий газрын Ахмадын хорооны дарга, бэлтгэл цагдаагийн хурандаа Н.Гаравсүрэн, бэлтгэл цагдаагийн хурандаа Т.Мөнхдалай, И.Төмөрбаатар, Ж.Бумнанжид, Э.Баярсайхан, Д.Чулуун болон бэлтгэл цагдаагийн хошууч Л.Мөнхтогоо, цагдаагийн ахмад ажилтан Г.Чугнаадорж нар уригдан оролцож, алба хаагчдад ажил, амьдралын арвин туршлагаасаа хуваалцан уулзан ярилцаж, санал сэтгэгдлээ солилцсон юм.

Арга хэмжээнд уригдан ирсэн цагдаагийн ахмад ажилтнуудтай алба хаагчид хүндэтгэлийн зургаа татуулж, бэлэг дурсгалын зүйлсийг гардуулан өгч, урилгыг хүлээн авч хүрэлцэн ирсэн ахмад буурлууддаа баярласан талархсанаа илэрхийлэв.