Арга хэмжээнд дүүргийн нутаг дэвсгэрт энгийн ажиллаж амьдардаг эмч, багш, цэргийн ангийн офицер, малчин, дуучин, өндөр настан зэрэг иргэдийн дунд зөв нэртэй явдаг оршин суугаа орчныхоо иргэдийн хүндлэлийг хүлээсэн 7 иргэн тухайн өдрийн 09.00-18.00 цагийн хооронд цагдаагийн дүрэмт хувцас өмсөж хэрэглэн хорооны хэсгийн байцаагч, эргүүлийн цагдаагийн хамт ажиллана.

Цагдаа мөрдөстэй иргэд маань дүүргийн цагдаагийн хэлтэст мэдээлэл хүлээн авагч, саатуулах байрны цагдаа, машинт эргүүлийн цагдаа, зохицуулагч цагдаагаар өдрийн турш хуваарийн дагуу ажиллахдаа иргэдийн худал дуудлага мэдээлэл өгдөг байдал, саатуулагдаж байгаа иргэдийн гаргадаг зан авир, зөрчил гаргаад торгуулж байгаа иргэдийн харьцаа зэргийг цагдаа хүний нүдээр харж цагдаагийн албаны онцлог, тулгардаг бэрхшэлийг ойлгосноо өгүүлж энэхүү үйл ажиллагаагаа тогтмол үргэлжлүүлэн өргөн хүрээнд олон иргэдийг хамруулахыг хүссэний зэрэгцээ бидний ажил мэргэжлийн талаар амьдардаг хороо, гудамж, байрны иргэддээ ярьж ойлгуулан манай албыг дэмжиж явахаа илэрхийлсэн юм гэж Налайх дүүргийн цагдаагийн хэлтсээс мэдээллээ.