УЕПГ-ын дэргэдэх Сургалтын төв, ЦЕГ-ын Сургалтын төвүүд нь хамтын ажиллагааны хүрээнд нийслэлийн дүүргүүд дэх прокурорын газрын хяналтын прокуроруудад “Хэргийн газрын үзлэг-Прокурор” сэдэвт клиник сургалтыг зохион явууллаа.

Прокурорууд нь хэрэг бүртгэх, мөрдөн байцаах ажиллагаанд хяналт тавих тусгайлсан чиг үүргийг хэрэгжүүлдэг ба уг чиг үүргээ хэрэгжүүлэхэд шаардлагатай ур чадвар, дадлагыг тухайлбал галдан шатаах, хулгайн, хүн амины гэмт хэргийн газарт ажиллах тактик, үнэрийн мөрийг бэхжүүлэх, ашиглах, ДНХ-ээр сэжигтэн, хохирогчийг таних зэрэг сэдвүүдийн хүрээнд Цагдаагийн ерөнхий газар, Улсын прокурорын ерөнхий газар, Онцгой байдлын ерөнхий газар, Шүүх шинжилгээний хүрээлэнгийн мэргэшсэн алба хаагчид хиймэл орчинд явуулсан нь энэхүү сургалтын давуу тал байв.

Цагдаагийн ерөнхий газрын Сургалтын төв нь Бүртгэл, статистикийн ерөнхий газартай хамтран төв, орон нутгийн цагдаагийн газар, хэлтсийн мэдээлэл судалгаа, дүн бүртгэл хариуцсан ахлах байцаагч нарын дунд гэмт хэргийн статистик судалгаа шинжилгээ хийхдээ тусгайлсан программыг ашиглахад сургах зорилгоор “Ажлын ур чадвар ахиулах, ахисан шатны сургалт” сэдэвт модулийн сургалт 2016 оны 04 дүгээр сарын 14, 15-ны өдрүүдэд зохион байгуулан ажиллаа.

Уг сургалтаар “Статистикийн үндсэн аргуудыг ашиглах нь”, “Хүн, ам, нийгмийн салбарын статистик мэдээлэл, тэдгээрийг тооцох арга зүй”      зэрэг сэдэвт 16 цагийн хичээлийг мэргэшсэн ажилтнуудаар Бүртгэл, статистикийн ерөнхий газрын Сургалтын төв, болон Цагдаагийн ерөнхий газрын Мэдээлэл технологийн төвд хичээл сургалтуудыг явуулж, 27 алба хаагч оролцов.

Цагдаагийн байгууллагын алба хаагчдад “Хүний эрхийг хангахад цагдаагийн байгууллагын оролцоо” сэдэвт алба хаагчдын ур чадвах ахиулах ахисан шатны сургалтыг 2016 оны 04 дүгээр сарын 20,21-ний өдрүүдэд Сургалтын төвд зохион байгууллаа.

Сургалтад Олон улсын хүний эрхийн төв “Хүний эрхэд суурилсан хандлага”, “Эрүүдэн шүүх болон бусад хэлбэрээр хэрцгий, хүнлэг бусаар буюу хүний нэр төрийг доромжлон харьцаж шийтгэхийн эсрэг хүний эрхийг хангах” “Нийтийн хэв журам ба баривчлах саатуулах ажиллагаанд хүний эрхийг хангах нь”, “Хүний эрхийн тухай ойлголт ба зарчим, түүний хязгаарлалт” зэрэг сэдвээр Олон Улсын хүний эрхийн "Эмнести интернэшнл" байгууллага, Хууль сахиулах их сургуулийн Цагдаагийн сургуулийн багш нар хичээл зааж, хөдөө орон нутгийн 14 алба хаагч оролцов.