НАЛАЙХ ДҮҮРГИЙН ЦАГДААГИЙН ХЭЛТСЭЭС МЭДЭЭЛЖ БАЙНА.

Налайх дүүргийн цагдаагийн хэлтсээс сахилга хариуцлага өндөр алба хаагчдаа алдаршуулан “БАХАРХАЛ” өдөрлөг зохион байгууллаа.

Тус хэлтсээс сүүлийн таван жилийн хугацаанд сахилга хариуцлага алдаж, зөрчил гаргаагүй алба хаагчдаа урамшуулах “БАХАРХАЛ” ёслолын үйл ажиллагааг зохион байгуулсан нь бүх дүүргүүдээс анхдагч ажил боллоо.

Цагдаагийн алба хаагчдын улирал бүр зохион байгуулдаг сахилгын зөвлөгөөний 2016- оны эхний улирлынхыг зөвхөн алдаа дутагдал гаргасан алба хаагчдад дүрэм журмын дагуу арга хэмжээ авахаас гадна зөрчил гаргаагүй алба хаагч нараа урамшуулсан нь шинэлэг болсон юм.
Энэ үйл ажиллагаанд Налайх хотын захирагч Ш.Хаан, Налайх дүүргийн цагдаагийн хэлтсийн дарга, цагдаагийн дэд хурандаа П.Энхбаяр, алба хаагчдын гэр бүл үр хүүхдүүд оролцож, дүүргийн сургуулийн сурагчид авьяасаа үзүүлж, сахилгын зөрчил гаргаж байгаагүй алба хаагчдад батламж гардуулсан юм.

Налайх дүүрэг нь Улаанбаатар хотын 9-н дүүргийн нэг. Налайх дүүргийн цагдаагийн хэлтсээс гэмт хэргээс урьдчилан сэргийлэх чиглэлээр үндсэн үүргийнхээ хүрээнд тус дүүргийн нутаг дэвсгэрт “Олон нийт цагдаа хамтын ажиллагааны хөтөлбөр”, “Гэр бүлийн хүчирхийлэлтэй тэмцэх хөтөлбөр”, “Хөршийн хяналт холбоо хөтөлбөр”, “Гэмт хэргээс урьдчилан сэргийлэх мэдээлэл, сурталчилгааны хөтөлбөр” зэрэг олон хөтөлбөрүүдийг үр дүнтэй хэрэгжүүлж ирсэн.

Мөн Зүүн аймгууд болон аялал жуулчлалын гол бүс болсон Тэрэлж, Цонжинболдог цогцолборыг зоригсод дамжин өнгөрдаг нутаг дэвсгэр учраас хөл хөдөлгөөн ихтэй Чиг үүргээ биелүүлэх, зохион байгуулж байгаа ажил бүхэнд алба хаагч бүрийн хариуцлага чухал байдаг. Иймээс Налайх дүүргийн цагдаагийн хэлтсээс алба хаагчдаа урамшуулах сайхан үйл ажиллагаа зохион байгуулсанд бие бүрэлдэхүүн болоод тэдний гэр бүл баяртай байна.

Шинэлэг үйл ажиллагаа зохион байгуулсан Налайх дүүргийн цагдаагийн хэлтсийн алба хаагч нартаа ажлын амжилт хүсье