АСЕМ-ийн чуулга уулзалтын үеийн хамгаалалтын ажлын хүрээнд албанд нохой ашиглаж буй байгууллагууд болох Төрийн тусгай хамгаалалтын газар, Иргэний нисэхийн ерөнхий газрын аюулгүй байдал, хамгаалалтын алба, Шүүхийн шийдвэр гүйцэтгэх ерөнхий газар, Зэвсэгт хүчний 084 дүгээр ангийн алба хаагчдын хамтарсан сургалт Цагдаагийн ерөнхий газрын Сургалтын төвд зохион байгуулагдлаа.

Албаны нохойн мэргэжилтэн, төлөөлөгч, сургагч  нарт бүх төрлийн тэсэрч дэлбэрэх бодисны төрөл, ангилал, тэдгээрийн зохион байгуулалт, аюулгүй байдлаа ханган, эрж хайх, илрүүлэх, олон нийтийн аюулгүй байдлыг хангах чиглэлээр “Албаны нохой сургах үндэс”, “Объектын үзлэг, шалгалт хийх”, “Газар, орон самнан нэгжих” зэрэг сэдвээр 2016 оны 03 дугаар сарын 01-нээс 04 дүгээр сарын 01-ний өдрүүдэд сургалтыг тус тус зохион байгуулагдахаар төлөвлөн явагдаж байна.