СОНГИНОХАЙРХАН ДҮҮРЭГ ДАХЬ ЦАГДААГИЙН 2-Р ХЭЛТСИЙН АЛБА ХААГЧ НАР АХМАДУУДДАА САР ШИНИЙН БЭЛЭГ БАРЬЛАА

Сонгино хайрхан дүүргийн цагдаагийн хоёрдугаар хэлтсийн удирдлагууд гал бичин жилийн босгон дээр ахмадууддаа шинэ танхим байгуулж өгч бэлэг барьлаа. Залуу насаа ард иргэдийнхээ амар тайвны манаанд зогсож өнгөрүүлсэн алба хаагч нар дурсамж түүхээ ярих, шатар тоглох, залуучуудтайгаа  илэн далангүй ярилцаж залгамж халаагаа бэхжүүлэх зорилготой  танхим нээгдсэнд баяртай байна.

Тус хэлтсийн удирдлагуудын зүгээс дүүргүүдээс анх удаагаа нээгдэж байгаа энэхүү танхимаа цаашид тохижуулж, шаардлагатай бүхий л зүйлсээр туслаж дэмжинэ гэж ахмадууддаа амласан юм. Танхимын нээлтэнд Улаанбаатар хотын цагдаагийн газрын Ахмадын хорооны дарга С.Отгонбаатар оролцож 2016 онд тус хороо хэрхэн ажиллах талаар танилцуулж ахмадуудынхаа санал бодлыг сонслоо.Тус цагдаагийн хэлтсийн ахмадын хорооны даргаар цагдаагийн бэлтгэл хошууч, яруу найрагч Ж.Алтангэрэл томилогджээ.  Мөн энэ үеэр сар шинийн баяр болгон сүүн цагаан сэтгэлийг бэлгэдэн “Сүү” ХХК ны бүтээгдэхүүний дээжээс бэлэг болгон өгсөнд ахмадууд баяртай байна.