ГУРВАН ҮЕИЙН АЛБА ХААГЧДЫН УУЛЗАЛТ ЗОХИОН БАЙГУУЛЛАА

Албадан саатуулах төв нь Цагдаагийн байгууллагын 95 жил, Цагдаагийн байгууллагын Ахмадын холбооны 50 жилийн ойг угтсан ажлын хүрээнд бичин жилийн сар шинийн баярыг угтаж ахмад залуу үеийн залгамж холбоог бэхжүүлэх, ахмад настнуудадаа хүндэтгэл үзүүлэх зорилгоор Улаанбаатар хотын цагдаагийн газрын Ахмадын холбоо, Албадан саатуулах төвийн Ахмадын зөвлөлтэй хамтран “Буурлаасаа үг сонсъё” гурван үеийн алба хаагч нарын уулзалт зохион байгууллаа.

Уулзалтанд Улаанбаатар хотын цагдаагийн газрын Ахмадын холбооны дарга, цагдаагийн хурандаа С.Отгонбаатар, цагдаагийн бэлтгэл дэд хурандаа С.Очир /1987-1990 он/, цагдаагийн бэлтгэл дэд хурандаа Г.Даваасамбуу /1990-1994 он/, цагдаагийн хурандаа Б.Очирбат /1995-2008/, цагдаагийн бэлтгэл хурандаа Ц.Батчулуун /2008/, цагдаагийн хурандаа Д.Цог /2008-2012/ дарга нар болон Албадан саатуулах төвийн Ахмадын зөвлөлийн дарга, цагдаагийн бэлтгэл хошууч С.Буриад, цагдаагийн бэлтгэл ахмад А.Долгормаа, цагдаагийн бэлтгэл ахлах ахлагч А.Дуулга, Ж.Лхагважав нарыг урилгаар оролцуулж, үе үеийн дарга, ахмад настнуудын үг сургаалийг сонсож, уулзалт ярилцлага зохион байгуулсан юм. Улаан мөрдөстэй сэргийлэгч байсан үеэс эхлээд өнөөдрийг хүртэл 50 гаруй жилийн түүхэн хугацаанд ажиллаж байсан тухайгаа ярьж хуучилсан энэхүү уулзалт алба хаагч нарын сэтгэлд нийцсэн үр дүнтэй үйл ажиллагаа болсон юм.

Цагдаагийн ерөнхий газрын “Ахмад дайчин” тэмдгээр цагдаагийн бэлтгэл хошууч З.Сэргэлэнбаатар, цагдаагийн бэлтгэл хошууч Д.Хишигбуян, цагдаагийн бэлтгэл ахмад А.Долгормаа, цагдаагийн бэлтгэл ахлах ахлагч А.Дуулга, Ж.Лхагважав нарыг шагнагдалаа гэж АЛБАДАН СААТУУЛАХ ТӨВ-өөс мэдээллээ.