ХОВД АЙМАГ ДАХЬ ЦАГДААГИЙН ГАЗРААС МЭДЭЭЛЖ БАЙНА

Ховд аймаг дахь цагдаагийн газраас иргэд рүү чиглэсэн олон арга хэмжээг хэрэгжүүлж байна. Аймгийн Жаргалант суманд амьдардаг, амжиргааны баталгаажих түвшингээс доогуур орлоготой 2 өрхийн 8 хүүхдэд гутал, хувцас бэлэглэн санал хүсэлтийг нь сонсож, эцэг эхийг нь ажлын байраар хангах асуудлыг холбогдох хүмүүст уламжилсан байна.

Цагдаагийн байгууллагын үйл ажиллагааг иргэд олон нийтэд түргэн шуурхай хүргэх, аливаа хэрэг, зөрчлийн дуудлага мэдээлэлд цаг алдалгүй очих нөхцөл бололцоог хангах зорилгоор Ховд аймгаас сонгогдсон УИХ-ын НББСШУ-ны байнгын хорооны дарга Д.Батцогт Ховд аймгийн Цагдаагийн газарт Чех улсад үйлдвэрлэсэн сүүлийн үеийн “Ява-350” мотоциклиуд бэлэглэсэн байна.

Үндэсний эрх чөлөө, тусгаар тогтнолоо сэргээсний 104 жилийн ойг тохиолдуулан гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах ажилд идэвх зүтгэл, үр бүтээл гарган ажилласан Ховд аймаг дахь Цагдаагийн газрын НХЖХТ-ийн дарга, цагдаа дэд хурандаа Н.Батбаатарыг ЦЕГ-ын “Хүндэт жуух”, Холбоо мэдээллийн инженер, цагдаагийн ахмад Т.Дөлгөөнжаргалыг ЦЕГ-ын “Баярын бичиг” , Олон нийттэй харилцах ажил хариуцсан ахлах байцаагч, цагдаагийн хошууч М.Оюунсүрэнг “Цагдаагийн гавъяа” тэмдгээр тус тус шагнагдсаныг ЦЕГ-ын дэд дарга, дэд комиссар Ж.Буянбат аймгийн нийт бие
бүрэлдэхүүний өмнө гардууллаа.