Энэ үеэр Хөршийн хяналтын нэгдсэн систем, гэмт хэрэг, зөрчлийн талаар гомдол мэдээлэл хүлээн авах зориулалт бүхий ухаалаг утсанд зориулсан iPolice аппликейшнийг шинээр нэвтрүүлэх болсныг танилцуулсан юм.

Хөршийн хяналтын нэгдсэн систем нь цахим хуудас /www.neighborhood.mn/ , ухаалаг гар утсанд зориулсан iPolice аппликейшнээс бүрдэж буй юм. Уг цахим хуудсаар дамжуулан хөршийн хяналттай холбоотой мэдээ мэдээлэл /видео, фото/, холбогдох хууль тогтоомж, тогтоол, журам, хөтөлбөр, гэмт хэрэг, зөрчлөөс урьдчилан сэргийлсэн мэдээллийг олон нийтэд хүргэнэ.

Мөн “Хөршийн өдөр” үйл ажиллагааг идэвх санаачлагатай зохион байгуулсан Баянгол дүүргийн Засаг Даргын тамгын газар, Баянзүрх дүүрэг дэх цагдаагийн хоёрдугаар хэлтэс, Баянгол дүүргийн 12 дугаар хороо, Баянзүрх дүүргийн 4 дүгээр хороо, Сонгинохайрхан дүүргийн 21 дүгээр хороо, Сүхбаатар дүүргийн 7 дугаар хороо, Чингэлтэй дүүргийн 5 дугаар хороо, 15 дугаар хороо, Хан-Уул дүүргийн 7 дугаар хороо, Багахангай дүүргийн 1 дүгээр хороо, Налайх дүүргийн 7 дугаар хороог өргөмжпөл, мөнгөн шагналаар урамшууллаа.