Энэ үеэр хоёр улсын цагдаагийн алба хаагчдын ёслолын жагсаал, гардан тулааны үзүүлэх тоглолт, зэвсэгтэй зэвсэггүй сургалт, тугийн жагсаал зэрэг үйл ажиллагаанууд болж, шуурхай удирдлагын штаб ажилласан юм. Ажиглагчаар Хил хамгаалах ерөнхий газар, Тагнуулын ерөнхий газар, Үндэсний аюулгүй байдлын зөвлөлөөс төлөөлөгчид оролцжээ.

Сургалтын үр дүнгийн талаар ЦЕГ-ын Гэмт хэрэгтэй тэмцэх албаны дарга, туслах комиссар Д.Батсайхан:

-Эрээн хотод зохион байгуулагдсан энэ сургалт хоёр орны цагдаагийн байгууллагын хамтын ажиллагааны түүхэнд анх удаа болж байгаагаараа онцлогтой. Дэлхий дахинд терроризмтой тэмцэх олон ажил өрнөж байгаа энэ үед шинэ төрлийн гэмт хэргүүд, терррорист халдлагаас урьдчилан сэргийлэх, тэмцэх чиглэлээр өргөн хүрээнд зохион байгуулагдлаа. Цаашид энэ үйл ажиллагааг Монгол улс, ОХУ, БНХАУ гурван орны хэмжээнд цар хүрээг нь өргөжүүлж хийх талаар санал бодлоо бид солилцлоо. Их үр дүнтэй сургалт болсон гэж бодож байна.
-ӨМӨЗО ны Дотоодыг хамгаалах танхимын, терроризмтой тэмцэх газрын дарга Шин Лэй:
-Монгол улстай хамтран зохион байгуулсан энэ сургалт маш үр дүнтэй сайхан болж өндөрлөлөө. Хоёр орны цагдаагийн алба хаагчид бэлтгэл сургуулилт хийхээс эхлээд өнөөдрийн үйл ажиллагаа болтол бие биенээсээ маш их юм сурлаа. Цаашид энэ чиглэлийн сургалтыг өргөн хүрээнд хийх саналыг бид баяртайгаар хүлээж авсан. Террорист халдлагаас урьдчилан сэргийлэхэд бүс нутгийн мэргэжлийн байгууллагууд хамтарч ажиллах нь юу юунаас илүү чухал үр дүнтэй гэж ярьлаа.

Сургалтанд оролцсон бүх алба хаагч нартаа ажлын амжилт хүсье