Хуралд нийтдээ хэдэн төлөөлөгч ирэх мэдээлэлтэй байна вэ?

Улаанбаатар хотод 2015 оны 09 дүгээр сарын 15-19-ны өдрийн хооронд Европын аюулгүй байдал хамтын ажиллагааны байгууллагын Парламентын ассамблейн хурал зохион байгуулагдана. Хуралд 43 орны 600 орчим зочин төлөөлөгчид, хэвлэл мэдээллийн ажилтанууд болон Oросын Холбооны Улсын Холбооны хурлын Төрийн Думын дарга С.Е.Нарышкин оролцох урьдчилсан мэдээлэлтэй байна.

Европын аюулгүй байдал хамтын ажиллагааны байгууллагын Парламентын ассамблейн хурлын аюулгүй байдлыг хангах цагдаагийн хамгаалалт зохицуулалтад Улаанбаатар цагдаагийн хүрээний бие бүрэлдэхүүн үүрэг гүйцэтгэнэ.

Цагдаагийн байгууллагын зүгээс бэлтгэл ажил хэрхэн хийгдэж байна.

Хурал болон арга хэмжээ зохион байгуулагдах газруудыг телехяналтын камерын хяналтад авч, зочин төлөөлөгчдийн зорчих томоохон худалдааны төв, вальют солих цэг, музей, түүх дурсгалын газруудыг цагдаагийн эргүүлийн маршрут, чиглэлд хамруулан ажиллана. Ерөнхийдөө бэлтгэл хангагдаад байна.

Замын хөдөлгөөний хязгаарлалтыг хэрхэн хийх вэ?
Хурал зохион байгуулагдах “Shangri-la” зочид буудал орчмын замыг “Гэрлэх ёслолын ордон”-ы зүүн талын гэрэл дохиотой уулзвараас баруун тийш “Хүүхдийн ордон”-ы баруун уулзвар хүртэлх тээврийн хэрэгслийн хөдөлгөөнийг түр хязгаарлана. Гадаадын өндөр хэмжээний зочин төлөөлөгчид ирэх болон буцах, хуралд оролцох үед нисэх онгоцны буудлаас Туушин зочид буудал орох хүртэл Чингисийн өргөн чөлөө, Энхтайваны өргөн чөлөөг бүрэн чөлөөлж бусад хөдөлгөөнийг хязгаарлах юм.

Мөн хугацаанд зочид, төлөөлөгчдийн тээврийн хэрэгслийг “Хүүхдийн ордон”, “Гурван гал”, “UB-mart”, “Үзэсгэлэн худалдаа” зэрэг худалдааны төвийн авто зогсоолуудыг ашиглан байрлуулах ажлыг зохион байгуулна.