МОНГОЛ ГЕНЕРАЛУУДЫН ӨДӨР ЁСЛОЛ ТӨГӨЛДӨР БОЛЛОО

Монгол Улсад генерал цол бий болсны 71- жилийн ойн баярыг тэмдэглэн өнгөрүүлэх, "Монгол генералуудын өдөр"-ийн ёслол хүндэтгэлийн үйл ажиллагаа 2015-04.24 нд амжилттай болж өндөрлөв.

Энэхүү үйл ажиллагаанд Батлан хамгаалах яам, Зэвсэгт хүчний жанжин штаб, Цагдаагийн Ерөнхий газар, Тагнуулын Ерөнхий газар, Хил хамгаалах Ерөнхий газар, Онцгой байдлын Ерөнхий газар, Иргэний нисэхийн Ерөнхий газраас төрөн гарсан үе үеийн генерал цолтон, гадаад дотоодын хүндэт зочид Үндэсний аюулгүй байдлыг хангах тусгайлсан чиг үүрэг бүхий байгууллагуудын удирдлагууд оролцлоо.

Ёслолын үйл ажиллагаа Чингисийн талбайд цагдаагийн байгууллагын туг залж, ЦЕГ-ын газрын дарга, Тэргүүн комиссар Р.Чингис хүндэт харуулын бүрэлдэхүүнтэй мэндчилж, генералуудад хандан үг хэлж, тэдний хамт жанжин Д.Сүхбаатарын хөшөөнд цэцэг өргөн, Их эзэн Чингис хааны хөшөөнд хүндэтгэл үзүүлснээр эхлэсэн юм.

Дараа нь төрийн есөн хөлт цагаан туганд хүндэтгэл үзүүлэн, Генерал цолтой эрхмүүдийг Монгол Улсын Их хурлын дарга З.Энхболд хүлээн авч уулзаж баяр хүргэлээ.

Чингис хааны талбайгаас "Цагдаа" цогцолборт очиж, Монгол цэргийн музей, Хилийн цэргийн музей, Цагдаагийн музей болон Цагдаагийн байгууллагын үйл ажиллагааг харуулсан зэвсэг техникийн үзэсгэлэнг үзэж, бие хамгаалах урлаг, өсвөрийн цагдаа хүүхдүүдийн тоглолт, албаны нохойн үзүүлбэр зэргийг үзүүллээ.

Өсвөрийн цагдаа хүүхэд багачууд 

Энэ жилийн Монгол генералуудын өдрийг Цагдаагийн Ерөнхий газраас зохион байгуулж, дараа жил Онцгой байдлын Ерөнхий газраас хариуцахаар болсноо албан ёсоор зарлалаа. Дэлхий дахинаа албан ёсоор хүлээн зөвшөөрөгдсөн цэргийн дээд цолтон ГЕНЕРАЛУУДДАА эрүүл энх, урт удаан наслахыг хүсэн ерөөе