СЭЛЭНГЭ АЙМГИЙН МАНДАЛ СУМААС МЭДЭЭЛЖ БАЙНА 

Сэлэнгэ аймгийн Мандал сум дахь сум дундын Цагдаагийн хэлтэс нь Монголын Цагдаагийн албаны тухай хуулийн 14 дүгээр зүйлийн 14.1.2-т заасан Нутаг дэвсгэрийн цагдаагийн байгууллага нь Цагдаагийн төв байгууллага болон харьяалах Иргэний зөвлөл, оршин суугчдад ажлаа тайлагнах гэж заасны дагуу Цагдаагийн хэлтсийн 2014 оны үйл ажиллагааг иргэдэд хүргэх, Цагдаагийн байгууллагын үйл ажиллагааг сурталчилах, иргэдэд хууль эрх зүйн зөвлөгөө өгөх, санал хүсэлтийг нь хүлээн авах зорилгоор 2015 оны 01 дүгээр сарын 23-ны өдрийн 18:00 цагт “Иргэдээ сонсоё” арга хэмжээг Мандал сумын “Мөнгөн хараа” дуу бүжгийн чуулгад зохион байгууллаа. 

Энэ үеэр Сэлэнгэ аймгийн Цагдаагийн газрын болон Цагдаагийн хэлтсийн 2014 оны үйл ажиллагааны тайланг иргэдэд хүргэн, Цагдаагийн хэлтсийн “Мандалын цагдаа” урлагийн тоглолт, гардан тулааны үзүүлбэрээр иргэдэд мэндчилгээ дэвшүүлэн ажиллаа.