• Нүүр хуудас
  • Системүүд
  • Харьяа нэгжүүд
  • Холбоо барих
  • Асуулт хариулт
  • Иргэний хяналт

ОНАБХГ -ЫН ТӨЛӨВЛӨЛТ ЗОХИЦУУЛАЛТЫН ХЭЛТСЭЭС МЭДЭЭЛЖ БАЙНА

2015-01-28
ОНАБХГ -ЫН ТӨЛӨВЛӨЛТ ЗОХИЦУУЛАЛТЫН ХЭЛТСЭЭС МЭДЭЭЛЖ БАЙНА

ОЛОН НИЙТИЙН АЮУЛГҮЙ БАЙДЛЫГ ХАНГАХ ГАЗРЫН ТӨЛӨВЛӨЛТ ЗОХИЦУУЛАЛТЫН ХЭЛТСЭЭС МЭДЭЭЛЖ БАЙНА 

ОНАБХГ-ын 2015 оны үйл ажиллагааны төлөвлөгөөнд тусгагдсаны дагуу тус газрын харьяа газар, хэлтсийн удирдах ажилтнуудын дунд “Сагсан бөмбөг”-ийн аварга шалгаруулах тэмцээнийг албаны спорт сургалтын зааланд зохион явууллаа. 
Тэмцээнд Хамгаалалтын 1,2,3 дугаар газар, Төв байрны 6 баг тамирчид оролцож Олон улсын сагсан бөмбөгийн шинэчилсэн дүрмээр “Монголын сагсан бөмбөгийн холбоо”-ны мэргэжлийн шүүгчээр шүүлгэж, олимпийн системээр зохион явуулсан юм.
Тэмцээний тэргүүн байранд Хамгаалалтын 1 дүгээр газрын цагдаагийн хурандаа М.Лувсандорж ахлагчтай 1 дүгээр баг, дэд байранд Хамгаалалтын 2 дугаар газрын цагдаагийн хурандаа Батмөнх ахлагчтай баг, гуравдугаар байранд Хамгаалалтын 1 дүгээр газрын цагдаагийн хошууч Б.Ганчулуун ахлагчтай 2 дугаар баг шалгарч шилжин явах цом, алт, мөнгө, хүрэл медалийн эзэд боллоо. 


Газар, хэлтсийн дарга нарын дунд зохион явуулсан Холын зайн /Зооны шидэлт/-ийн аварга шалгаруулах тэмцээнд нийт 12 алба хаагч оролцож Тэргүүн байрыг ОНАБХГ-ын төлөвлөлт зохицуулалтын хэлтсийн дарга, цагдаагийн хурандаа Ч.Ууганбаяр шалгарч алтан медаль, мөнгөн шагналаар шагнуулав.
Цаашид тус газраас уламжлал болгон спортын уралдаан тэмцээнийг улирал болгон зохион байгуулж байхаар төлөвлөж, 2 дугаар улиралд ОНАБХГ-ын Хамгаалалтын 1 дүгээр газраас “Гар бөмбөг”-ийн аварга шалгаруулах тэмцээн зохион байгуулахаар төлөвлөн ажиллаж байна.