Явган зорчигчдыг зам тээврийн осолд өртөж амь нас, эрүүл мэнд, эд хөрөнгөөр хохирохоос урьдчилан сэргийлэх, явганаар замын хөдөлгөөнд оролцогчдын буруу дадал хандлагыг өөрчлөх, зөв үйлдэлд уриалах, эцэг эх, асран хамгаалагчийн эрх зүйн мэдлэгийг дээшлүүлэх, сурталчлан таниулах, хэвийн аюулгүй зорчих нөхцөлийг бүрдүүлэх зорилгоор улсын хэмжээнд “Ногоон гэрэл-цагаан шугам” нэгдсэн арга хэмжээг зохион байгуулж байна.

Энэхүү арга хэмжээг аймгийн иргэдийн Төлөөлөгчдийн хурал, Гэмт хэргээс урьдчилан сэргийлэх ажлыг зохицуулах салбар зөвлөл, төрийн болон төрийн бус байгууллагатай хамтран зохион байгуулахаар энэ оны 10 дугаар сарын 29–ний өдөр нээлтийг арга хэмжээг зохион байгууллаа.

Энэ үеэр Цагдаагийн газраас "Хүүхэд өртөж, хохирсон зам тээврийн ослын талаарх нөхцөл байдлын танилцуулга” мэдээлэл хийж, нэгдсэн арга хэмжээг үр дүнтэй зохион байгуулах удирдамж, төлөвлөгөөг танилцуулан цаашид хэрэгжүүлэх ажлын талаар санал солилцсон юм.

Аюулгүй амар тайван Өвөрхангайн төлөө хамтдаа