Бүгд найрамдах улс тунхагласны 100 жилийн ойг тохиолдуулан гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах хуулиар хүлээсэн үндсэн чиг үүргээ нэр төртэйгөөр биелүүлж, идэвх зүтгэл үр бүтээл гарган ажилласан 24 алба хаагчдад шагнал, цол гардуулах арга хэмжээг 11 дүгээр сарын 25-ны өдөр зохион байгууллаа.

Хууль зүй, Дотоод хэргийн сайдын А/122 дугаар тушаалаар “Цагдаагийн алдар” тэмдгээр 1, “Хүндэт жуух бичиг”-ээр 8, Цагдаагийн ерөнхий газрын даргын Б/1593 дугаар тушаалаар “Хүндэт жуух”-аар;

Цагдаагийн ерөнхий газрын даргын Б/1611 дүгээр тушаалаар цагдаагийн дэд хурандаа 2, цагдаагийн хошууч 3, цагдаагийн ахмад 4, цагдаагийн дэслэгч 1;

Цагдаагийн газрын даргын Б/234 дугаар тушаалаар цагдаагийн ахлагч 3, цагдаагийн ахлах ахлагч 1 алба хаагч цол шагнагдлаа.

Цол, шагналаар шагнагдсан нийт алба хаагчдад баяр хүргэж, цаашдын ажил хөдөлмөрт нь өндрөөс өндөр амжилтыг хүсье.