Дундговь аймгийн цагдаагийн газраас аймгийн Засаг даргын тамгын газар, Эрүүл мэндийн газартай хамтран эрэгтэйчүүдийн эрүүл мэнд, хууль эрх зүйн мэдлэгийг дээшлүүлж, эрүүл мэнддээ тавих анхаарлыг нэмэгдүүлэх замаар хорт зуршил, буруу дадал хэвшил зэрэг эрсдэлд хүчин зүйлсийг бууруулах, гарч болзошгүй гэмт хэрэг, зөрчилд өртөж хохирохоос урьдчилан сэргийлэхэд зорилгоор “Эрэгтэйчүүдийн эрүүл мэнд, тулгамдаж буй асуудал” сэдэвт нээлттэй өдөрлөгийг энэ оны 04 дүгээр сарын 17-ны өдөр зохион байгууллаа.

Өдөрлөгт 76 байгууллагын 268 эрэгтэй алба хаагчид оролцсон ба “Эрэгтэйчүүдийн эрүүл мэндийн өнөөгийн байдал”, “Эрэгтэйчүүдээс гэмт хэрэг, зөрчилд өртөж хохирсон нөхцөл байдал” сэдвээр мэдээлэл өгч, “Эртэч Монгол” хөтөлбөрийн санаачлагч, лектор Н.Энхбаатар “Эр хүн” сэдвээр нэг цагийн сургалтыг тус тус явууллаа.