БАЯН-ӨЛГИЙ АЙМГИЙН ЦАГДААГИЙН ГАЗРААС МЭДЭЭЛЖ БАЙНА


Баян-Өлгий аймгийн төв болох Өлгий сумын Иргэдийн Төлөөлөгчдийн Хурал, Засаг даргаас зохион байгуулсан оны “Шилдэг байгууллага” шалгаруулах болзолт уралдаанд тус Цагдаагийн газар ажил, хөдөлмөрөөрөө тэргүүлж 2014 оны “Манлайлагч байгууллага”-аар шалгарч, хүндэт өргөмжлөлөөр шагнуулав.

Тус Цагдаагийн газар нь 2014 онд шинэ ажлын байрны зорилтыг хангасан, эмзэг бүлгийг дэмжих, ядуурлыг бууруулахад доривтой хувь нэмэр оруулсан, алба хаагч, ажилчдын нийгмийн баталгааг хангасан, орон нутгийн төсөвт оруулсан орлогын хэмжээ болон нийтэд үзүүлсэн үйлчилгээний цар хүрээ өргөжин эрс нэмэгдсэн, гадна тохижилтоороо бусад байгууллагуудад үлгэр жишээ үзүүлсэн, аль ч байгууллагад өр төлбөргүй байсан зэрэг шалгуур үзүүлэлтээр ажил, хөдөлмөрөөрөө тэргүүлж, одон медалиар шагнууллаа.

Үндэсний эрх чөлөө, тусгаар тогтнолоо сэргээсний 103 жилийн ойг тохиолдуулан Монгол Улсын Ерөнхийлөгчийн 2014 оны 12 дугаар сарын 18-ны өдрийн 152 дугаар зарлигаар Цагдаагийн газрын дарга, цагдаагийн хурандаа М.Батболд, Дэмжлэг үзүүлэх тасгийн дарга, цагдаагийн дэд хурандаа Т.Ганбат нарыг “Цэргийн гавьяаны одон”, Гэмт хэрэгтэй тэмцэх тасгийн ахлах мөрдөн байцаагч /орлогч/, цагдаагийн хошууч Ж.Өлзийтогтох “Цэргийн хүндэт медаль”-иар тус тус шагнасныг аймгийн Засаг дарга Х.Дармен болон хууль хяналтын байгууллагуудын удирдлагууд ёслол төгөлдөр гардуулан өглөө.

Мөн Цагдаагийн ерөнхий газрын даргын тушаалаар тус Цагдаагийн газрын мэдээлэл судалгааны ахлах мэргэжилтэн, цагдаагийн хошууч З.Марат, эрүүгийн төлөөлөгч, цагдаагийн ахмад Х.Өлзийлхам нарыг Цагдаагийн ерөнхий газрын “Цагдаагийн гавьяа” тэмдэг, Алтанцөгц сум дахь хэсгийн цагдаа, цагдаагийн ахлах ахлагч Д.Хуатыг Цагдаагийн ерөнхий газрын “Хүндэт жуух” бичгээр мөн холбоо, мэдээллийн инженер, цагдаагийн ахлах дэслэгч Т.Ардакелдийг ЦЕГ-ын Холбооны хэлтсийн даргын “Баярын бичиг”, мөнгөн шагналаар тус тус шагнасныг гардуулав.