100 жил
УЛААНБААТАР ХОТЫН ЦАГДААГИЙН ГАЗРААС "БИД МАРТАХГҮЙ ӨДӨРЛӨГ" ЗОХИОН БАЙГУУЛЛАА
2014-12-10 00:00:00
2262
Улаанбаатар хотын цагдаагийн газраас албан үүргээ гүйцэтгэж яваад амь үрэгдсэн алба хаагчдаа эргэн дурсаж мөнхжүүлэх "Бид мартахгүй" өдөрлөг зохион байгууллаа.
Энэхүү үйл ажиллагаанд Улаанбаатар хотын цагдаагийн газрын харьяа газар, хэлтсийн удирдлага, цагдаагийн албанд шинээр томилогдсон алба хаагчид, албан үүргээ гүйцэтгэж яваад амь үрэгдсэн алба хаагчдын гэр бүлийн төлөөлөл оролцсон юм.
Монгол улсын цагдаагийн байгууллагын хэмжээнд өнгөрсөн хугацаанд 50 гаруй алба хаагч албан үүргээ гүйцэтгэж байгаад харамсалтайгаар амь насаа алдсан байнагэсэн судалгаа байдаг. Үүнээс Улаанбаатар хотын цагдаагийн газрын хэмжээнд нийт 18 алба хаагч албан үүргээ гүйцэтгэж яваад амь насаа алдсан байна.
Үйл ажиллагааг нээж Улаанбаатар хотын цагдаагийн газрын дэмжлэг үзүүлэх асуудал эрхэлсэн дэд дарга, цагдаагийн хурандаа Я.Нямдаваа нээж үг хэлж, алба хаагчдаа дурсан нэг минут дуугүй зогсож хүндэтгэл үзүүлэн, нэг удаагийн буцалтгүй тусламж үзүүлэн, алтан амиа алдсан алба хаагчдын дурсгалд зориулсан баримтат кино үзүүллээ.
Мөн албан үүргээ гүйцэтгэж байгаад амь насаа алдсан алба хаагчдын гэр бүлийн төлөөлөл үг хэлж, хүндэтгэлийн үйл ажиллагаанд зориулан урлагийн хэсэгчилэн тоглолт зохион байгуулсан юм
